Եվրասիայի Գետեր

• Օբ
• Ենիսեյ
• Լենա

 

Ամենաերկարը Լենան է (4480 կմ.), ամենաջրառատը՝ Օբը։ Դրանք աշխարհի խոշորագույն գետերից են։

Մյուս նշանավոր գետերից են.

• Հյուսիսային Դվինա
• Պեչորա
• Օլենյոկ
• Խատանգա
• Յանա
• Ինդիգիրկա
• Կոլիմա
• Արաքս

Այս բոլոր գետներն ունեն ձնա-անձրևային սնում։ Հորդանում են գարնան վերջին և ամռան սկզբին։ Նրանք ունեն մակարդակի մեծ տատանումներ (մինչև 10 - 12 մ.)։

 

• Ամուր
• Հուանհե
• Յանցզի
• Մեկոնգ

Վերջին երեքը սկիզբ են առնում Տիբեթի բարձրավանդակից, ունեն ձնհալքային ու անձրևային սնում, հորդանում են ամռանը։ Ամուրը նույնպես հորդանում է ամռանը, բայց մուսսոնային անձրևներից։

Հուանհե գետի հոսքը կարգավորելու նպատակով կառուցվել են խոշոր ջրամբարներ, բետոնե պատնեշներ։ Հուանհեյից Յանցզի կառուցվել է Չինական Մեծ նավարկելի ջրանցքը։

Յանցզին Եվրասիայի ամենաերկար (6300 կմ.) և ամենաջրառատ գետն է։

Գետերը մեծ մասամբ սնվում են անձրևներից (մուսսոնային), իսկ բարձր լեռներից սկիզբ առնողները՝ նաև սառցադաշտերից և ձնհալքից։ Խոշոր գետերից են.

 

• Ինդոս
• Գանգես (Բրահմապուտրա վտակով)
• Իրավադի
• Սալուին
• Եփրատը և Տիգրիսը (Պարսից ծոց թափվելուց առաջ կազմում են Շատ-Էլ-Արաբ գետը)

Ամենախոշորը այս ավազանում Ինդոսն է։

Այս գետերի տնտեսական, հատկապես ոռոգիչ նշանակությունը շատ մեծ է։ Նրանց ավազաններում բնակչության խտությունը շատ մեծ է։

Գանգես և Բրահմապուտրա գետերը գետաբերանում ստեղծում են աշխարհում ամենախոշոր դելտան՝ 105.000 կմ², որն արագորեն մեծանում է դեպի Բենգալական ծոց։

Գետերն տարածվում են Հարավային, Արևմտյան և մասամբ Արևելյան Եվրոպայում։ Սնման ռեժիմի տեսանկյունից սրանք բազմազան են։ Ծայր արևմուտքում, ծովային կլիմայի մարզում, գետերը չեն սառչում։ Այդ շրջանում գետերը ունեն անձրևային սնում և ջրառատ են ամբողջ տարին։ Այդպիսի գետերից են.

 

• Սեն
• Լուարա
• Թեմզա
• Գարոն
• Տախոն
• Էբրո
• Դուերո

Այն շրջաններում, ուր ձմռանը գոյանում է ձնածածկույթ ու գետերը սառչում են (թեկուզ կարճ ժամանակով)` հորդացումը լինում է գարնանը։ Այդպիսի գետերից են.

• Վիսլա
• Օդեր (Օդրա)
• Էլբա
• Դանուբ

Ատլանտյան օվկիանոսի ավազանի ամենախոշոր գետը Դանուբն է։ Սկիզբ է առնում Շվարցվալդի լեռներից և առաջացնելով դելտա` թափվում է Սև ծովը։ Ընդհանուր առմամբ ունի խառը սնում (ձնա-անձրևային), որոշ վտակները (Սավա, Դրավա և այլն) ունեն ձնա-սառցադաշտային սնում և նրանք են առաջացնում Դանուբի ամառային հորդացումները։

Ալպերից սկիզբ առնող գետերը առավելապես ունեն ձնասառցադաշտային սնում, այդ պատճառով հորդանում են գարնան վերջին և ամռանը։

• Հռենոս

Այս շրջանի երկրորդ խոշոր գետը Հռենոսն է։ Սկիզբ է առնում Ալպերի սառցադաշտերից։ Ակունքային շրջանում ունի լեռնային բնույթ, արագահոս է, հոսում է նեղ ու խոր կիրճով՝ առաջացնելով բազմաթիվ սահանքներ։ Ստորին հոսանքում ունի անձրևային սնում, դանդաղահոս է, առաջացնում է խոշոր դելտա։ Գետի ափերը շատ տեղերում, հեղեղումներից խուսափելու համար, պատնեշված են։

Հարավային Եվրոպայի խոշոր գետերն են.

• Ռոն
• Գվադիանա
• Պո

Այս գետերը հիմնականում սնվում են ձմեռային անձրևներից, որի շնորհից հորդանում են ձմռանը։

Ատլանտյան օվկիանոսի ազվազանին պատկանում են նաև Ռուսական հարթության արևմտյան մասի գետերը.

• Դնեստր
• Դնեպր
• Դոն
• Արևմտյան Դվինա (Դաուգավա)
• Նևա
• Նարվա
• Նեման (Նյամունաս)

 

Ներքին հոսքի ավազանին պատկանող գետերը տարածվում են Եվրասիայի գրեթե ամբողջ կենտրոնական, Իրանական բարձրավանդակի և Արաբական սարահարթի ներքին շրջաններում։ Դրանք են.

• Վոլգա
• Ուրալ
• Թերեք
• Կուր-Արաքս
• Ամուդարյա
• Սիրդարյա

Եվրոպայի ամենախոշոր գետը Վոլգան է (Օկա և Կամա վտակներով)։ Սկիզբ է առնում Վալդյան բարձրությունից և առաջացնելով դելտա՝ թափվում է Կասպից ծով։