The Daily Telegraph
«The Daily Telegraph» (հայերեն՝ Դեյլի թելեգրաֆ, երբեմն ուղղակի The Telegraph, հայերեն թարգմանությամբ՝ հեռագիր), բրիտանական ամենօրյա թերթ, որը հրատարակվում է 1855 թվականից սկսյալ։ Մեծ Բրիտանիայի ամենահայտնի պարբերականներից մեկը։ Օրական միջին տպաքանակը կազմում է շուրջ վեց հարյուր հազար օրինակ։
| Դեյլի թելեգրաֆ The Daily Telegraph | |
|---|---|
 Թերթի 1916 թվականի շապիկը | |
 | |
| Տեսակ | թերթ |
| Ժանր | լուրեր, բիզնես, սպորտ |
| Լեզու | անգլերեն |
| Գլխավոր խմբագիր | Քրիս Էվանս |
| Հիմնադրվել է | 1855 թիվ |
| Հիմնադիր | Արթուր Սլայ |
| Անվանված է | The Daily Telegraph & Courier The Daily Telegraph & Morning Post |
| Սեփականատեր | Telegraph Media Group? |
| Երկիր | .svg){kind=small} Միացյալ Թագավորություն |
| Հրատարակման վայր | Լոնդոն |
| Գրասենյակ | Լոնդոն, Միացյալ Թագավորություն |
| Հաճախականություն | ամենօրյա |
| Տպաքանակ | 622 719 |
| ISSN | 0307-1235 |
| OCLC | 49632006 |
| Կայք | telegraph.co.uk |
| 111 Buckingham Palace Road, London, SW1W 0DT | |
 The Daily Telegraph Վիքիպահեստում | |
Առաջին համարը լույս է ընծայվել 1855 թվականի հունիսի 29-ին՝ «The Daily Telegraph & Courier» անվանումով։ Հիմնադրվել է գնդապետ Արթուր Սլայի կողմից։ Ստեղծման միակ նպատակն է եղել քննադատել Քեմբրիջի հերցոգ Գեորգին, որը բրիտանական բանակի ապագա ղեկավարն էր լինելու։ Մի քանի ամիս անց թերթը գնվեց հրատարակիչ Ջոզեֆ Մոսես Լեվիի կողմից։ Վերջինս այդ ժամանակ The Sunday Times թերթի ղեկավարն էր։ Ջոզեֆը կամենում էր ստեղծել նոր էժան թերթ, որը հասու կլինի ընթերցողների լայն շրջանակներին։ 1855 թվականի սեպտեմբերի 17-ին լույս տեսավ «The Daily Telegraph & Courier» թերթի վերափոխված տարբերակը։ Անվանումը կրճատվել է 1856 թվականին և այդ թվականից ցայսօր կրում է «The Daily Telegraph» վերնագիրը։ Այն նույն թվականին Բրիտանիայում կոչվեց «ամենամեծ, ամենալավ և ամենաէժան թերթն աշխարհում»։ Դրանից հետո թերթը դարձավ Մեծ Բրիտանիայի ամենամեծ տպաքանակն ունեցող թերթը։
1937 թվականի հոկտեմբերին հրատարակությունը միավորվեց Morning Post-ի հետ (հիմնադրված 1772 թվականին) և սկսեց կոչվել «The Daily Telegraph & Morning Post»: Այս անվանումով թերթը լույս տեսավ ընդհուպ մինչև 1969 թվականը, որից հետո կրկին հանդես եկավ նախկին անվանումով։
1985 թվականի հունիսին թերթի բաժնետոմսերի մի մասը ձեռք բերեց կանադացի մեդիամագնատ Կոնրադ Բլեքը։
2004 թվականին, դատական քննության արդյունքում, թերթը 665 միլիոն ֆունտ ստերլինգի դիմաց անցավ «Բարկլայ եղբայրներ» ընկերությանը։ Այս ընկերությանն են պատկանում նաև ամերիկյան Chicago Sun-Times և իսրայելական Jerusalem Post պարբերականները)։
Կառուցվածք
Ժամանակակից Դեյլի թելեգրաֆը բաղկացած է 3 մշտական բաժիններից՝ լուրեր, բիզնես և սպորտ։ Բացի դրանից, ամեն օր լույս է տեսնում նաև թեմատիկ խորագրերը.
- Երկուշաբթի՝ աճուրդներ, քո բիզնեսը, արվեստ, նորաձևություն, առողջություն, լավ ինքնազգացողություն
- Երեքշաբթի՝ հաղորդակցություն, արվեստ, ոճ, առողջություն
- Չորեքշաբթի՝ գիտություն, առողջություն, արվեստ, կրթություն
- Հինգշաբթի՝ արվեստ, ոճ, օրենք, Լոնդոնի անշարժ գույք, The New York Times-ի հատուկ առաջարկներ
- Որբաթ՝ առողջություն, արվեստ, նորաձևություն, կինո
- Շաբաթ՝ ծնողներ և կրթություն, գյուղ, նորաձևություն, տուն, սնունդ և խմիչքներ, շոպինգ, Telegraph magazine, հեռուստատեսություն և ռադիո, քո փողերը, ավտոմեքենաներ, ճանապարհորդություն, անշարժ գույք, արվեստ+գրքեր, այգեգործություն, ուիքենդ։
Հայտնի լրագրողներ
- Ֆերդինանդո դելլա Գատտինա
- Սելիա Ուոլդեն
Sunday Telegraph
«Սանդի թելեգրաֆ» (The Sunday Telegraph), կիրակնօրյա հավելված, որը լույս է տեսնում սկսյալ 1961 թվականի փետրվարի 5-ից։ Այսօրվա դրությամբ այն լույս է ընծայվում 656 055 տպաքանակով։
Ծանոթագրություններ
Արտաքին հղումներ
This article uses material from the Wikipedia Հայերեն article The Daily Telegraph, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.