Վահրամ Թերզիբաշյան: հայ գրականագետ
Վահրամ Վահանի Թերզիբաշյան (հունվարի 18, 1899(1899-01-18), Վան, Վանի վիլայեթ, Օսմանյան կայսրություն - մայիսի 16, 1964(1964-05-16), Երևան, Հայկական ԽՍՀ, ԽՍՀՄ), հայ թատերագետ, գրականագետ, բանասիրական գիտությունների դոկտոր (1962), ԽՍՀՄ գրողների միության անդամ 1939 թվականից։ ՀԽՍՀ արվեստի վաստակավոր գործիչ (1961)։
- Վիքիպեդիայում կան հոդվածներ Թերզիբաշյան ազգանունով այլ մարդկանց մասին։
Վահրամ Թերզիբաշյան | |
|---|---|
 | |
| Ծնվել է | հունվարի 18, 1899 |
| Ծննդավայր | Վան, Վանի վիլայեթ, Օսմանյան կայսրություն |
| Վախճանվել է | մայիսի 16, 1964 (65 տարեկան) |
| Վախճանի վայր | Երևան, Հայկական ԽՍՀ, ԽՍՀՄ |
| Մասնագիտություն | գրականագետ և թատերագետ |
| Քաղաքացիություն | .svg){kind=small} Օսմանյան կայսրություն և  ԽՍՀՄ |
| Կրթություն | Երամյան վարժարան և Ներսիսյան դպրոց (1916) |
| Գիտական աստիճան | բանասիրական գիտությունների դոկտոր (1963) |
| Անդամակցություն | ԽՍՀՄ Գրողների միություն |
| Աշխատավայր | Մարտակոչ, Նոր ուղի, Երևանի պետական գեղարվեստա-թատերական ինստիտուտ, ՀՀ ԳԱԱ արվեստի ինստիտուտ և Վրաստան |
| Պարգևներ |  |
| Վահրամ Թերզիբաշյան Վիքիդարանում | |
Կենսագրություն
Ծնվել է Արևմտյան Հայաստանի Վան քաղաքում։ Նախնական կրթությունն ստացել է Վանի Երամյան վարժարանում։ 1916 թվականին ավարտել է Թիֆլիսի Ներսիսյան դպրոցը։ 1916-1918 թվականներին աշխատել է որպես գյուղական ուսուցիչ։ 1927-1930 թվականներին աշխատել է «Մարտակոչ», «Պրոլետար» (Թիֆլիս) թերթերի և «Նոր ուղի» (Երևան) հանդեսի խմբագրություններում։ 1946-1949 թվականներին դասախոսել է Երևանի գեղարվեստա-թատերական ինստիտուտում։ 1945 թվականին «Շեքսպիրը հայերեն» թեմայով ատենախոսություն է պաշտպանել և ստացել բանասիրական գիտությունների թեկնածուի աստիճան։ 1963 թվականին «Հայ դրամատուրգիայի պատմություն» ատենախոսություն դիսերտացիա է պաշտպանել և ստացել բանասիրական գիտությունների դոկտորի աստիճան։
Կատարել է թարգմանություններ ֆրանսերենից, անգլերենից, ռուսերենից։
Կյանքի վերջին տարիներին աշխատել է ՀԽՍՀ ԳԱ արվեստի ինստիտուտում։ Մահացել է Երևանում։
Երկերի մատենագիտություն
- Գիր ու արվեստ, Լենինական, 1926, 104 էջ։
- Պուշկին և Արևելք, Երևան, Պետհրատ, 1937, 66 էջ։
- Էլ Վահիդի վերջին արկածը (պատմվածք), Երևան, Պետհրատ, 1938, 33 էջ։
- Արազի, Երևան, Պետհրատ, 1940, 64 էջ։
- Գեներալ-լեյտենանտ Վ. Գ. Մադաթով, Երևան, Հայպետհրատ, 1942, 22 էջ։
- Մեր քաջ նախնիները, Երևան, Հայպետհրատ, 1943, 75 էջ։
- Սովետական Միության հերոս գեներալ-մայոր Անդրանիկ Ղազարյան, Երևան, Հայպետհրատ, 1944, 49 էջ։
- Շեքսպիրը հայերեն, Երևան, Հայկական ՍՍՌ ԳԱ Հրատարակչություն, Երևան 1956, 135 էջ։
- Հայ դրամատուրգիայի պատմություն, գիրք 1, Երևան, Հայպետհրատ, 1959, 486 էջ։
- Ժասմեն, Երևան, Հայպետհրատ, 1959, 99 էջ։
- Պետրոս Դուրյան, Երևան, Հայպետհրատ, 1959, 195 էջ։
- Հայ դրամատուրգիայի պատմություն, գիրք 2, Երևան, Հայպետհրատ, 1964, 567 էջ։
Մամուլ
- Պավլո Տիչինան և հայ պոեզիան։ «Գրական թերթ», 1948, № 4:
Թարգմանություններ
- Բելա Իլլեշ, Տիսան բոցերի մեջ, հատոր 1, Երևան, Պետհրատ, 1931, 276 էջ։
- Բելա Իլլեշ, Տիսան բոցերի մեջ (վեպ), հատոր 2, Ե., Պետհրատ, 1934, 431 էջ։
- Ալեքսեյ Տոլստոյ, Հացը, Պետհրատ, 1939,
- Վ. Ռոկկ, Ինժեներ Սերգեն (պիես), Երևան, Հայպետհրատ, 1942, 99 էջ։
Ծանոթագրություններ
 | Վիքիդարանն ունի նյութեր, որոնք վերաբերում են «Վահրամ Թերզիբաշյան» հոդվածին։ |
This article uses material from the Wikipedia Հայերեն article Վահրամ Թերզիբաշյան, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.