Լրատվական Գործակալություն Սպուտնիկ: լրատվական գործակալություն
Սպուտնիկ (նախկինում՝ Ռուսաստանի ձայնը), Ռուսաստանի կառավարության կողմից հիմնադրված և Russia Today լրատվական գործակալության կողմից վերահսկվող, ռուսական քարոզչության մաս հանդիսացող լրատվական գործակալություն, լրատվական համացանցային կայքեր և ռադիոհեռարձակման ծառայություն։ Գործակալության կենտրոնական գրասենյակը գտնվում է Մոսկվայում, ունի նաև տարածաշրջանային խմբագրություններ Վաշինգտոնում, Կահիրեում, Պեկինում, Լոնդոնում և Էդինբուրգում։ Սպուտնիկի վաշինգտոնյան գրասենյակի գլխավոր խմբագիրն է Պյոտր Մարտինչևը, բյուրոի ղեկավար՝ Միխայիլ Սաֆրոնովը։ Սպուտնիկը կենտրոնացած է գլոբալ քաղաքականության և տնտեսության վրա, ուղղված լինելով ոչ ռուսական լսարանին։ Սպուտնիկ գործակալությունը մեղադրվում է կանխակալության, ապատեղեկատվության տարածման և ռուսական քարոզչության մաս լինելու մեջ։
Այժմ Սպուտնիկը կառավարում է ավելի քան 30 լեզուներով (այդ թվում՝ անգլերեն, իսպաներեն, լեհերեն, հայերեն, սերբերեն և այլն) տեղեկատվություն տարածող լրատվական կայքեր։ Այդ կայքերում օրական տեղադրվում է նաև եթերային հեռարձակման ավելի քան 800 ժամ, ինչպես նաև Սպուտնիկի լրատվական գործակալությունը զբաղվում է տեղեկատվության 24-ժամյա տարածմամբ։ Իր տեղեկատվական բովանդակության հետ միասին Սպուտնիկը նաև մատուցում է լուսանկարչական ռեպիրտաժներ, ուղիղ հեռարձակումներ, ինֆոգրաֆիկաներ և հասարակական կարծիքի հարցումներ։
«Սպուտնիկ-Նորություններ» գործակալությունը հանդիսանում է ՌԻԱ Նովոստիի 2013 թվականին լուծարված միջազգային բաժանմունքի հաջորդացուն։ Այն ժամանակ, երբ ՌԻԱ Նովոստիի արտադրանքը ավելի շատ տարածվում է Մոսկվայում կենտրոնացված բազայից, Սպուտնիկի բովանդակությունը ձևավորվում է անմիջապես տեղական՝ միջազգային բյուրոներում։
Ծանոթագրություններ
- sputniknews.com, the official website of "Sputnik" news agency
This article uses material from the Wikipedia Հայերեն article Սպուտնիկ (լրատվական գործակալություն), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.