Պաուլ Ռաուդ
Պաուլ Ռաուդ (էստ․՝ Paul Raud, հոկտեմբերի 22, 1865(1865-10-22), Վիռու-Յաագուպի, Վիննի, Լյաենե-Վիրումաա, Էստոնիա - նոյեմբերի 22, 1930(1930-11-22), Տալլին, Էստոնիա), էստոնացի գեղանկարիչ։ Գեղանկարիչ Քրիստիան Ռաուդի եղբայրը։ 1888-1894 թվականներին սովորել է Դյուսելդորֆի գեղարվեստի ակադեմիայում։ Հիմնականում ստեղծել է ակադեմիական ոգով դիմանկարներ («Ն.
Իկսկյուլ», 1894), ժանրային և բնանկարչական էտյուդներ, էստոնացի գյուղացիների հավաքական դիմանկարներ («Քեռի Պաուլը ծխամորճով», 1894-1896)։
Պաուլ Ռաուդ | |
|---|---|
 | |
| Ծնվել է | հոկտեմբերի 22, 1865 |
| Ծննդավայր | Վիռու-Յաագուպի, Վիննի, Լյաենե-Վիրումաա, Էստոնիա |
| Վախճանվել է | նոյեմբերի 22, 1930 (65 տարեկան) |
| Մահվան վայր | Տալլին, Էստոնիա |
| Քաղաքացիություն |  Էստոնիա |
| Մասնագիտություն | նկարիչ |
| Ոճ | ռեալիզմ |
| Ժանր | դիմապատկեր |
| Ազգականներ | Քրիստիան Ռաուդ |
 Paul Raud Վիքիպահեստում | |
Կենսագրություն
Փոլ Ռաուդը ծնվել է 1865 թվականի հոկտեմբերի 22-ին Վիրու Յագուպի ծխական համայնքի Կիրիկու գյուղում (ժամանակակից Կիրիկուկյուլա)։ Ունեցել ՝ երկվորյակ եղբայր՝ Քրիստիան, որը դարձել է հայտնի նկարիչ, Էստոնիայի ազգային թանգարանի հիմնադիր։
Երկու եղբայրների մանկությունն ու պատանեկությունն անցել են Մերիկյուլա գյուղում, որտեղ նրանց հայրը՝ Յաան Ռաուդն աշխատել է որպես դաշտային հեծելապահակ։ Նա վաղ է մահացել։
1886 թվականին Ռակվեռեի գյուղական դպրոցն ավարտելուց հետո Պաուլը գնացել է սովորելու Դյուսելդորֆում, որտեղ աշակերտել է Էդուարդ ֆոն Գեբհարդտին։
1896 թվականին Ռաուդն իր եղբոր և քանդակագործ Ամանդուս Ադամսոնի հետ միասին ուղևորություն է կատարել դեպի Մուհու և Պակրի կղզիներ։ Այս շրջանում նրա ստեղծած նկարները նման էին Մաքս Լիբերմանի աշխատանքներին։ 1899 թվականին նա վերադարձել է Գերմանիա, որտեղ իր աշխատանքներում դարձյալ դիմել է իմպրեսիոնիզմի տարրերին։ Այդ ժամանակվա Ռաուդի աշխատանքների ոճի վրա մեծապես ազդել է Իլյա Ռեպինի հետ նրա համատեղ աշխատանքը։
Առաջին համաշխարհային պատերազմի ժամանակ (որի ընթացքում նկարիչը մեկնել է Տալլին) և դրանից հետո նա սկսել է դասավանդել, 1915 թվականից աշխատել է Տալլինի առևտրի ինստիտուտում որպես գրաֆիկայի ուսուցիչ, իսկ 1923 թվականից` Տալլինի Արդյունաբերական դիզայնի պետական դպրոցում։ Նկարչի ատելիեն տեղակայված էր Նեյթսիտորն աշտարակում։
Պաուլ Ռաուդը մահացել է 1930 թվականի նոյեմբերի 22-ին։ Թաղվել է Տալլինում՝ Ռահումյաե գերեզմանատանը։
Նկարչի գործերը պահվում են Էստոնիայի գեղարվեստական թանգարանում։
Պատկերասրահ
-
«Ծաղկազարդ դաշտ» (1906-1911) -
«Մուհուի եկեղեցին» (1898) -
«Յաան Պոսկայի դիմանկարը» (1929) -
«Կիսամերկ» (1911) -
«Վոլդեմար Պուհկի դիմանկարը» (1929)
Ծանոթագրություններ
Արտաքին հղումներ
- Рауд (художники) // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- "From one Century to the Next: Exhibition of works by Kristjan and Paul Raud in Kumu Art Museum June 22–October 8, 2006(չաշխատող հղում), information folder from the Art Museum of Estonia
- Works by Paul Raud at the Art Museum of Estonia
 | Վիքիպահեստն ունի նյութեր, որոնք վերաբերում են «Պաուլ Ռաուդ» հոդվածին։ |
This article uses material from the Wikipedia Հայերեն article Պաուլ Ռաուդ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.