Միշել Բրանչ (անգլ.՝ Michelle Branch, հուլիսի 2, 1983(1983-07-02), Ֆինիքս, ԱՄՆ), ամերիկացի երգչուհի և կիթառահարուհի։ 2003 թվականին «The Game of Love» երգի համար, որը ձայնագրել է Կառլոս Սանտանայի հետ համատեղ, արժանացել է «Գրեմմի» մրցանակի։
Միշել Բրանչ | |
---|---|
Բնօրինակ անուն | անգլ.՝ Michelle Branch |
Ծնվել է | հուլիսի 2, 1983 (40 տարեկան) Ֆինիքս, ԱՄՆ |
Երկիր | ԱՄՆ |
Ժանրեր | փոփ |
Մասնագիտություն | դերասանուհի, կիթառահար, հեղինակ-կատարող, երգչուհի, դաշնակահարուհի, երաժիշտ, կինոդերասանուհի և ստուդիական երաժիշտ |
Գործիքներ | կիթառ, դաշնամուր և վոկալ |
Լեյբլ | Maverick |
Անդամակցություն | The Wreckers? |
Ամուսին | Teddy Landau? և Patrick Carney? |
Կայք | michellebranch.com |
Michelle Branch Վիքիպահեստում |
Ծնվել է 1983 թվականի հուլիսի 2-ին (ԱՄՆ Արիզոնա նահանգի Սեդոնա քաղաքում)։ Ծնողներն են Դավիթ և Պեգի Բրանչները։ Միշելի հայրն ունի իռլանդական արմատներ, իսկ մայրը՝ հոլանդաինդոնեզական և ֆրանսիական ծագում։
2000-ական թվականների սկզբին Բրանչը թողարկել է երկու հաջողված ալբոմ՝ The Spirit Room և Hotel Paper, ինչպես նաև մի քանի սինգլ, որոնք սկիզբ են դրել նրա երաժշտական կարիերային։ 2003 թվականին առաջադրվել է «Գրեմմի» մրցանակի «Լավագույն նոր արտիստ» անվանակարգում։ Ամուսնության հետ կապված՝ երգչուհին 2004 թվականին ընդհատել է իր կարիերան։
2005 թվականին իր ընկերուհու՝ Ջեսիկա Հարպի հետ միասին հիմնել է The Wreckers քանթրի-դուետը, որը «Leave the Pieces» սինգլի համար առաջադրվել է «Գրեմմի» մրցանակի։ Չնայած իր ունեցած հաջողությանը, խումբը 2007 թվականին լուծարվել է, ինչից հետո Բրանչը շարունակել է իր մեներգային կարիերան։
Բրանչը նաև նկարահանվել է մի շարք այնպիսի հեռուստասերիալներում, ինչպիսիք են «Հմայվածները» և «Բաֆի՝ վամպիրների կործանիչ» սերիալները։
2016 թվականի դեկտեմբերին Entertainment Weekly ամսագիրը հայտարարել է երգչուհու նոր ալբոմի՝ Hopeless Romantic-ի թողարկման մասին, որը արդյունքում թողարկվել է 2017 թվականի ապրիլի 7-ին։
2004-2015-ական թվականներին Միշելը ամուսնացած է եղել Թեդի Լանդաուի հետ, որի հետ համատեղ ունի դուստր՝ Օուեն Իզաբել Լանդաուն (03.08.2005)։
2019 թվականի ապրիլի 20-ից Միշելն ամուսնացած է երաժիշտ Պատրիկ Քարնիի հետ, որի հետ մինչ ամուսնությունը հանդիպել է չորս տարի։ Ամուսիններն ունեն որդի՝ Ռիս Ջեյմս Քարնին (28.08.2018)։
Տարի | Առաջադրված աշխատանք | Կատեգորիա | Արդյունք |
---|---|---|---|
2003 | Michelle Branch | Գրեմմի լավագույն նոր արտիստի համար | Առաջադրված |
2003 | «The Game of Love» | Գրեմմի լավագույն համատեղ վոկալային փոփ–կատարման համար | Հաղթանակ |
2004 | «Are You Happy Now?» | Գրեմմի լավագույն կանացի վոկալային ռոք–կատարման համար | Առաջադրված |
2007 | «Leave the Pieces» | Գրեմմի լավագույն վոկալային քանթրի–դուետի կատարման համար | Առաջադրված |
Տարի | Առաջադրված աշխատանք | Կատեգորիա | Արդյունք |
---|---|---|---|
2002 | «All You Wanted» | Best Female Video, Best Pop Video | Առաջադրված |
2002 | «Everywhere» | Viewer’s Choice | Հաղթանակ |
Վիքիպահեստն ունի նյութեր, որոնք վերաբերում են «Միշել Բրանչ» հոդվածին։ |
This article uses material from the Wikipedia Հայերեն article Միշել Բրանչ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.