Կարո՞Ղ Եք Երբևէ Ներել Ինձ
«Կարող ե՞ք երբևէ ներել ինձ» (անգլ.՝ Can You Ever Forgive Me?), ամերիկյան կենսագրական, կատակերգական-դրամատիկ ֆիլմ, ռեժիսոր՝ Մարիել Հելլեր, նկարահանվել է Նիկոլ Խոլոֆսեների և Ջեֆ Ուիթիի սցեարի հիման վրա, հիմնված է Լի Իզրաելի համանուն հուշագրության վրա։
 անգլ.՝ Can You Ever Forgive Me? | |
|---|---|
 | |
| Երկիր |  ԱՄՆ |
| Ժանր | կենսագրական ֆիլմ, հումորային դրամա, դրամա և ԼԳԲՏ թեմայով ֆիլմ |
| Հիմք | Կարո՞ղ եք երբևէ ներել ինձ |
| Թվական | հոկտեմբերի 19, 2018, փետրվարի 21, 2019 և փետրվարի 1, 2019 |
| Լեզու | անգլերեն |
| Ռեժիսոր | Մարիել Հելլեր |
| Պրոդյուսեր | Էնն Քերի և Amy Nauiokas? |
| Սցենարի հեղինակ | Նիքոլ Հոլոֆսեներ և Ջեֆ Ուիթի |
| Դերակատարներ | Մելիսա ՄակՔարթի, Ռիչարդ Գրանթ, Ջեյն Քուրթին, Աննա Դիվեր Սմիթ, Դոլլի Ուելս, Ջենիֆեր Վեսթֆելդ, Բեն Ֆալկոնե, Սթիվեն Սպինելլա և Ջուլի Էն Էմերի |
| Օպերատոր | Բրենդոն Թրոսթ |
| Երաժշտություն | Նեյթ Հելլեր |
| Մոնտաժ | Էնն ՄակՔեյբ |
| Պատմվածքի վայր | Նյու Յորք |
| Կինոընկերություն | Fox Searchlight Pictures |
| Տևողություն | 107 րոպե |
| Պաշտոնական կայքէջ Պաշտոնական կայքէջ Պաշտոնական կայքէջ | |
 Can You Ever Forgive Me? (film) Վիքիպահեստում | |
Սյուժե
Հիմնված է իրական իրադարձությունների վրա, ֆիլմը պատմում է գրող Լի Իզրաելի կյանքի պատմությունը, որը սկսել էր կեղծել գրողների, թատերգիրների և դերասանների նամակները՝ գումարի սղության պատճառով։
Դերասանական կազմ
- Մելիսա Մաքքարթի — Լեոնորա Քերոլ, Լի Իզրաել
- Ռիչարդ Է. Գրանտ — Ջեք Հոք, Լիի ընկերը
- Քևին Քերոլան — Թոմ Քլենսի
- Մարկ Էվան Ջեքսոն — Լլոյդ
- Թիմ Քամինգս — Քրեյգ
- Քրիստիան Նավարո — Կութ
- Ջոհաննա Ադլեր — Արլին
Արտադրություն
2015 թվականին հայտարարվել է, որ Իզրաելին կմարմնավորի Ջուլիանա Մուրը, իսկ ֆիլմի ռեժիսորը կլինի Նիկոլ Հոլոֆսեները։ 2015 թվականին դերասանական կազմին միացավ Քրիս Օ՛Դաուդը։ 2015 թվականի հուլիսին Մուրը դուրս մնաց նախագծից։ 2016 թվականի մայիսին հայտարարվել էր, որ Իզրաելին կմարմնավորի Մելիսա Մակքարթին, իսկ ֆիլմի ռեժիսորը կլինի Մարիել Հելլերը։ 2017 թվականի հունվարին քասթինգին միացել են Ռիչարդ Է. Գրանտը, Ջեյն Կրուտին, Դոլի Ուլսը, Աննա Դիվեր Սմիթը և Ջենիֆեր Ուեսթֆելդը։
Ֆիլմի նկարահանումները սկսել են 2017 թվականի հունվարին, Նյու Յորքում, և ավրտվել՝ 2017 թվականի մարտի 2-ին։
Թողարկում
Համաշխարհային պրեմիերան կայացել է Տելուրայդ կինոփառատոնի շրջանակներում, 2018 թվականի սեպտեմբերի 1-ին։ Այն նաև ցուցադրվել է 2018 թվականի սեպտեմբերի 8-ին՝ Տորոնտոյի միջազգային կինոփառատոնին։ ԱՄՆ-ի տարածքում ֆիլմը վարձույթի է հանվել 2018 թվականի հոկտեմբերի 19-ին։
Արձագանք
Ֆիլմը արժանացել է կինոքննադատների դրական ընդունելությանը։ Rotten Tomatoes կայքում ֆիլմը ունի 98% վարկանիշ՝ 143 գրախոսականի հիման վրա, և 10-ից 8.2 միավոր։ Metacritic-ը ֆիլմին տվել է 100 հնարավոր միավորից 87-ը, 46 գրախոսականի հիման վրա, ինչը համապատասխանում է «համընդհանուր ճանաչում» կարգախոսին։
Ծանոթագրություններ
 | Վիքիպահեստն ունի նյութեր, որոնք վերաբերում են «Կարո՞ղ եք երբևէ ներել ինձ» հոդվածին։ |
This article uses material from the Wikipedia Հայերեն article Կարո՞ղ եք երբևէ ներել ինձ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.