Լյուդվիգսբուրգ (գերմ.՝ Ludwigsburg, ալեմանյան բարբառ՝ Ludisburg, Ludigsburg, Ludwigsburg), քաղաք Գերմանիայում՝ Բադեն-Վյուրթեմբերգ երկրամասում, որի շրջաններից մեկի վարչական կենտրոնն ու խոշորագույն բնակավայրն է։ Ենթակա է Շտուտգարտի վարչական օկրուգին, ընկած է Շտուտգարտ քաղաքի կենտրոնից 12 կիլոմետր դեպի հյուսիս, Նեկար գետի մոտ։ Զբաղեցնում է 43,33 քառակուսի կիլոմետր տարածք։ Բնակչության թվաքանակը 2010 թվականի դեկտեմբերի 31-ի տվյալներով եղել է 87 735։ Պաշտոնական կոդը՝ 08 1 18 048։
Բնակավայր | |||
---|---|---|---|
Լյուդվիգսբուրգ | |||
| |||
Երկիր | Գերմանիա | ||
Հիմնադրված է | 1704 թ. | ||
Մակերես | 43,35 կմ² | ||
ԲԾՄ | 293 մետր | ||
Բնակչություն | ▲94 157 մարդ (դեկտեմբերի 31, 2022) | ||
Ժամային գոտի | UTC+1 և UTC+2 | ||
Հեռախոսային կոդ | 07141 | ||
Փոստային դասիչ | 71634–71642 | ||
Ավտոմոբիլային կոդ | LB | ||
Պաշտոնական կայք | ludwigsburg.de(գերմ.) | ||
| |||
Քաղաքի դիմագիծը բնորոշողը նրա գլխավոր տեսարժանությունն ու խորհրդանիշն է՝ Լյուդվիգսբուրգյան պալատը, որը բարոկկո ոճի ճարտարապետության ամենաընդարձակ նմուշներից մեկն է Եվրոպայում։ Բացի այդ, նախկին դքսական կեցավայրի շուրջը տարածվող լայնարձակ այգում կանգուն են Մանրեպո և Ֆավորիտ պալատները։ Ուշագրավ է նաև շուկայի հրապարակը՝ ավետարանական ու կաթոլիկ եկեղեցիներով։
Լյուդվիգսբուրգում է գտնվում նացիստների ոճրագործությունները հետաքննող դաշնային կենտրոնը։
Քաղաքի ներկայիս տարածքն ու շրջական բնակեցված են եղել դեռևս քարեդարյան ու բրոնզեդարյան ժամանակներում։ Տարածքում բացահայտվել են այդ ժամանակների մնացորդները պահպանող բազմաթիվ հնավայրեր։
1-ին դարի վերջերին հին հռոմեացիներն են գրավել տարածքը և իրենց տիրապետությունը հաստատել մինչև 260 թվականը, երբ Նեկարլանդը նվաճել են ալեմանները։
Լյուդվիգսբուրգի տարեգրությունն սկիզբ է առել 18-րդ դարի սկզբներին (1718–1723), երբ Վյուրթեմբուրգի դուքս Էբերհարտ Լյուդվիգն այստեղ հիմնադրել է իր իշխանության հզորությունը հայտանշող պալատը՝ ճարտարապետական բարոկկո ոճի ամենաընդարձակ նմուշը ներկայիս Գերմանիայի տարածքում։ Հետագայում դրան ավելացել են որսորդական կացարանը՝ Schloss Favorite-ը, դքսության աթոռանիստը՝ Seeschloss-ն ու Monrepos պալատը (1764–1768).։ Պալատի շուրջ բնակավայրն սկսել է ձևավորվել 1709 թվականից։ Այն քաղաքի կարգավիճակ է ստացել1718 թվականի ապրիլի 3-ին։ Այդ նույն տարում Լյուդվիգսբուրգը դարձել է ոստիկանապետի նստավայր, 1938 թվականին էլ՝ շրջանային կենտրոն։
2008 թվականի սեպտեմբերի 28-ին քաղաքում տեղադրվել է 12 գայթաքարերից (գերմ.՝ Stolperstein) առաջինը։ Մեկ տարի անց քանդակագործ Գյունտեր Դեմնիգը վերադարձել է Լյուդվիգսբուրգ՝ նացիզմի զոհերի հիշատակին նոր գայթաքարեր տեղադրելու նպատակով։
Պատմական բնակչություն | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
|
|
|
Վիքիպահեստն ունի նյութեր, որոնք վերաբերում են «Լյուդվիգսբուրգ» հոդվածին։ |
This article uses material from the Wikipedia Հայերեն article Լյուդվիգսբուրգ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.