Լիլի Իվանովա
Լիլիանա Իվանովնա Պետրովա (բուլղար․՝ Лиляна Иванова Петрова, ծնվ.՝ ապրիլի 24, 1939), առավել հայտնի Լիլի Իվանովա (Лили Иванова) բեմական անվամբ, բուլղարացի էստրադային երգչուհի, Բուլղարիայի ժողովրդական արտիստուհի։
| Լիլի Իվանովա | |
|---|---|
 | |
| Հիմնական տվյալներ | |
| Բնօրինակ անուն | Лили Иванов |
| Ի ծնե անուն | բուլղար․՝ Лиляна Иванова Петрова |
| Նաև հայտնի է որպես | Лили Иванова և Lili Ivanova |
| Ծնվել է | ապրիլի 24, 1939 (85 տարեկան)  Կուբրատ, Բուլղարիա |
| Երկիր | Բուլղարիա |
| Ժանրեր | փոփ |
| Մասնագիտություն | Երգչուհի |
| Երգչաձայն | սոպրանո |
| Գործիքներ | վոկալ |
| Գործունեություն | 1961–այժմ |
| Լեյբլ | Balkanton?, Մելոդիա, Payner և StefKos Music? |
| Կայք | Lili.bg |
 Lili Ivanova Վիքիպահեստում | |
Կենսագրություն
Ծնվել է Կուբրատ քաղաքում 1939 թվականի ապրիլի 24-ին։ Ապագա երգչուհու հայրը՝ Իվան Պետրով Դեմյանովը աշխատել է որպես քաղաքապետարանի պաշտոնյա։ Մայրը՝ Մարիա Պետրովա Դեմյանովնան եղել է տնային տնտեսուհի, սակայն երբեմն աշխատել է որպես մատուցողուհի։ Ծննդյան վկայականի մեջ գրանցված է որպես Լիլիանա Իվանովնա Պետրովա՝ մահացած քրոջ հիշատակին։ Պրոֆեսիոնալ կարիերան սկսելուց հետո, երգչուհին ընդունեց իր իսկական անունը և դրանով էլ հայտնի դարձավ ինչպես Բուլղարիայում այնպես էլ ամբողջ աշխարհում։ 1959 թվականին ավարտել է Վառնայի բժշկական դպրոցը և կարճ ժամանակով աշխատել որպես բուժքույր։
Լիլին դարձել է հայտնի երգչուհի կոմպոզիտոր Իոսիֆա Ցանկովայի հեղինակած «Շաբաթ երեկոյան» (1964)թ. երգի շնորհիվ։ 1963 թվականին Ռումինիայում դուրս է եկել նրա առաջին ալբոմը, իսկ իր առաջին միջազգային մրցանակը «Ոսկե բանալին» Լիլի Իվանովնան ստացել է 1966 թ. Բրատիսլավա քաղաքում՝ բուլղարացի կոմպոզիտոր Անգելա Զաբերսկիի «Ադաժիո» երգի կատարման համար։ Այնուհետև դրան հետևում են բազմապիսի հաղթանակներ՝ տարբեր միջազգային մրցույթներում, երգչուհուն հաջողվել է հաղթել 10 տարբեր միջազգային մրցույթներ ամբողջ աշխարհում։
Գրեթե 50 տարի բեմի վրա լինելով Լիլի Իվանովան ձայնագրել է ավելի քան 600 երգ, թողարկել 35 ալբոմ, որոնցից շատերը ստարցել են «Ոսկե գրամոֆոն» մրցանակ։ 1997 թ. Միջազգային կանանց ասոցիացան Իվանովային դասում է 20-րդ դարի ամենահայտնի կանանց ցանկում։ 2006 թվականին մայիսի 11-ին ստացել է իր աստղը Սոֆիայի փառքի ծառուղում։
Սկավառակագրություն
Ալբոմներ
- 2008 - Եդնա Լյուբով (ալբոմ)
- 2006 - Առանց կանոնների (ալբոմ)
- 2003 - Պատրանք մկրտվել սիրով (ալբոմ)
- 2000 - Քամի (ալբոմ)
- 1998 - Հաճախ է պատահում (ալբոմ)
- 1995 - Պատրաստ եք մահանալ հանուն սիրո (ալբոմ)
- 1993 - Հազարտ (ալբոմ)
- 1989 - Դաժան հարսանիք (ալբոմ)
- 1987 - Դու ինձ զանգել ես (ալբոմ)
- 1986 - Լիլի 86 (ալբոմ)
- 1984 - Փնտրում եմ քեզ 2 (ալբոմ)
- 1984 - Փնտրում եմ քեզ 1 (ալբոմ)
- 1983 - Սիրտս ընտրել է (ալբոմ)
- 1982 - Խենթ (ալբոմ)
- 1979 - Իմ քաղաքը 2 (ալբոմ)
- 1979 - Իմ քաղաքը 1 (ալբոմ)
- 1978 - Ապրիր մեզ համար (ալբոմ)
- 1977 - Աղավնի (ալբոմ)
- 1976 - Իմ հին ընկերը (ալբոմ)
- 1975 - Տանգո (ալբոմ)
- 1973 - Հավերժականություն (ալբոմ)
- 1972 - Ես քեզ սիրում եմ 2 (ալբոմ)
- 1972 - Ես քեզ սիռում եմ 1 (ալբոմ)
- 1970 - Կամինո (ալբոմ)
- 1969 - Այս աշխարհը շատ հրաշալի է (ալբոմ)
- 1968 - Երիտասարդների ծովը (ալբոմ)
- 1967- Փոքր նրբանցք (ալբոմ)
- 1963 - Lili Ivanova - Recital
Ծանոթագրություններ
Արտաքին հղումներ
- Պաշտոնական կայք (բուլղ.)
 | Վիքիպահեստն ունի նյութեր, որոնք վերաբերում են «Լիլի Իվանովա» հոդվածին։ |
This article uses material from the Wikipedia Հայերեն article Լիլի Իվանովա, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.