Ли́ли Ивано́ва (ысын исеме Лиляна Иванова Петрова; 24 апрель 1939 йыл) — болгар эстрада йырсыһы, Болгарияның халыҡ артисы.
Лили Иванова | |
Исеме | болг. Лиляна Иванова Петрова |
---|---|
Тыуған | |
Тыуған урыны | Өсөнсө Болгар батшалығы, Разград өлкәһе, Кубрат ҡалаһы |
Ил | |
Һөнәрҙәре | йырсы |
Жанрҙар | поп-музыка |
Lili.bg | |
Аудио, фото, видео Викимилектә | |
Лили Иванова 1939 йылдың 24 апрелендә Болгарияның (ул ваҡыттта Өсөнсө Болгар батшалығы) Разград өлкәһе Кубрат ҡалаһында тыуған. Буласаҡ йырсының атаһы, Иван Петров Дамянов, мэрияла чиновник була, ә әсәһе — Мария Петрова Дамянова — йорт хужабикәһе, ҡайһы саҡта официант булып эшләп ала. Суҡындырыу тураһындағы танытмала үлгән апаһы хөрмәтенә Лили Лиляна Иванова Петрова тип яҙылған. Һөнәри карьераһы башланғас, йырсы үҙенең хәҙерге исемен ала һәм уның менән Болгарияла ғына түгел, бөтә донъяла танылыу ала.
1959 йылда Варна ҡалаһында медицина училищеһын тамамлай, тик шәфҡәт туташы булып бер генә йыл эшләй. Уның талантын тәү тапҡыр эшселәр хорында асалар. 1963 йылда Румынияла Лили Иванованың беренсе альбомы сыға.
1964 йылда танылған композитор Йосиф Цанковтың «В субботу вечером» тигән йырын башҡарып, тағы ла нығыраҡ популярлыҡ яулай. 1966 йылда Братиславала болгар композиторы Ангел Заберски ижад иткән «Адажио» йыры менән үҙенең тәүге халыҡ-ара бүләген — «Золотой Ключ» призын ала. Унан һуң йырсыға күп һандағы башҡа халыҡ-ара конкурстарҙа еңеүҙәр килә, артабан ул ошо кимәлдәге тиҫтәләгән награда эйәһе була.
This article uses material from the Wikipedia Башҡорт article Лили Иванова, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башҡа шарт булмаһа, CC BY-SA 4.0 лицензияһына ярашлы, эстәлек менән һәр кем файҙалана ала. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Башҡорт (DUHOCTRUNGQUOC.VN) is an independent company and has no affiliation with Wiki Foundation.