Դավիդ Սասսոլի
Դավիդ Մարիա Սասսոլի (մայիսի 30, 1956(1956-05-30), Ֆլորենցիա, Իտալիա - հունվարի 11, 2022(2022-01-11), Ավիանո, Պորդենոնե, Ֆրիուլի Վենեցիա Ջուլյա, Իտալիա), իտալացի լրագրող և քաղաքական գործիչ, 2019 թվականից Եվորպական խորհրդարանի նախագահն է։
| Դավիդ Սասսոլի իտալ.՝ David Sassoli | |
 | |
| Կուսակցություն՝ | Դեմոկրատական կուսակցություն |
|---|---|
| Կրթություն՝ | Ֆլորենցիայի համալսարան |
| Մասնագիտություն՝ | քաղաքական գործիչ, լրագրող և հաղորդավար |
| Ծննդյան օր | մայիսի 30, 1956 |
| Ծննդավայր | Ֆլորենցիա, Իտալիա |
| Վախճանի օր | հունվարի 11, 2022 (65 տարեկան) |
| Վախճանի վայր | Ավիանո, Պորդենոնե, Ֆրիուլի Վենեցիա Ջուլյա, Իտալիա |
| Թաղված | Սուտրի |
| Քաղաքացիություն |  Իտալիա |
| Ի ծնե անուն | իտալ.՝ David-Maria Sassoli |
| Կայք՝ | davidsassoli.com |
| Ինքնագիր |  |
Կենսագրություն
Իտալիայի քրիստոնյա-դեմոկրատական կուսակցության անդամ, Ջորջիո լա Պիրայի համախոհ և «Il Popolo» ու «La Discussione» ամսագրերի խմբագիր Միմմո Սասսոլիի որդին է։
Դավիդ Սասսոլին լրագրողական կարիերան սկսել է ոչ մեծ ամսագրերի և գործակալությունների թղթակցելով, հետագայում թղթակցել է «Il Giorno» օրաթերթի հռոմեական համարին, յոթ տարի մասնագիտացել է քաղաքական ժամանակագրության մեջ։ 1986 թվականի հուլիսի 3-ին դարձել է Լրագրողների մասնագիտական ասոցիացիայի անդամ,, 1992 թվականին աշխատել է RAI հեռուստաընկերությունում որպես TG3 ալիքի հատուկ թղթակից, այս ընթացքում նաև Միգել Սանտորոյի հետ եղել է «Il rosso e il nero» և «Tempo reale» ծրագրերի վարողը։ 2006—2009 թվականներին հանդիսացել է TG1 հեռուստաալիքի փոխտնօրենը։
2009 թվականին Դեմոկրատական կուսակցության ցուցակով ընտրվել է Եվրոպական խորհրդարանի պատգամավոր։
2009 թվականի հունիսի 17-ին ընտրվել է Եվրախորհրդարանում Դեմոկրատական կուսակցության պատվիրակության ղեկավար։
2013 թվականին մասնակցել է բաց նախնական ընտրություններին, երբ ձախակենտրոնները ցանկանում էին միասնական թեկնածու առաջադրել Հռոմի քաղաքապետի պաշտոնի համար պայքարում (26 % արդյունքով զբաղեցրել է երկրորդ տեղը զիջելով Մարիանո Ինյացիոյին)։
2014 թվականին կրկին Դեմոկրատական կուսակցության ցուցակով վերընտրվել է որպես Եվրախորհրդարանի պատգամավոր։
2014 թվականին ընտրվել է Եվրախորհրդարանի փոխնախագահ, ստանալով 393 ձայն։
2017 թվականի հունվարին վերընտրվել է Եվրախորհրդարանի փոխնախագահի պաշտոնում։
2019 թվականի հուլիսի 3-ին Եվրախորհրդարանի նախագահ։ Քվեարկության երկրորդ փուլի արդյունքներով նա հավաքել է 345 ձայն։ Հաղթանակի համար անհրաժեշտ էր 345 ձայն։
Անձնական կյանք
Սասսոլին ունի երկու երեխա։ Նա սիրում է կլասիկ երաժշտություն, Հռոմի պատմությունը և այգեպանություն, որով զբաղվում է Սուտրիում գտնվող իր գյուղական տանը, որին նա քաղաքական նշանակություն է տվել Սիլվիո Բերլուսկոնիի հետ առճակատման ժամանակ՝ «Ես տնկում եմ բույսեր և հող եմ մշակում, նա միայն գնում է դրանք»։
Ծանոթագրություններ
Արտաքին հղումներ
- «David-Maria SASSOLI». Cronologia delle legislature (իտալերեն). Европейский парламент. Վերցված է 2017 թ․ օգոստոսի 20-ին.
- «David Sassoli» (իտալերեն). Демократическая партия. Արխիվացված է օրիգինալից 2017 թ․ օգոստոսի 25-ին. Վերցված է 2017 թ․ օգոստոսի 25-ին.
This article uses material from the Wikipedia Հայերեն article Դավիդ Սասսոլի, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.