Բոյ բենդ կամ բոյբենդ (անգլ.՝ boy band կամ boyband, բառացի թարգմ.՝ «տղաների խումբ»), սովորաբար տարբերակվում է որպես վոկալ փոփ խումբ, որը բաղկացած է երիտասարդ տղաներից։
Բոյ բենդ boy band | |
---|---|
Ոճային հիմքեր | փոփ երաժշտություն, R&B, հիփ հոփ, էլեկտրոփոփ, դենս փոփ |
Ճանաչում | 90-ականների վերջ — 2000-ականների սկիզբ ԱՄՆ-ում և Եվրոպայում, ներկայումս Ճապոնիայում և Կորեայում |
Տես նաև | |
Գըրլ բենդ |
«Բոյ բենդ» տերմինը ինքնին առաջացել է 90-ական թվականներին, և երևույթի հանրաճանաչությունը ԱՄՆ-ում և Եվրոպայում հասել է իր գագաթնակետին 90-ականների երկրորդ կեսին, երբ նմանատիպ խմբերը առաջանում էին սնկերի պես և զբաղեցնում էին հիթ շքերթների առաջին հորիզոնականները։ Սակայն այս ձևաչափը ծագել է ավելի վաղ։
Որպես կանոն, բոյ բենդներ ստեղծվում են պրոդյուսերի կողմից՝ զուտ առևտրային նպատակով, ի տարբերություն այն խմբերի, որոնք ստեղծվում են ընկերների միավորման ընթացքում, և իրենք էլ գրում են երգերի բառերը։ Պրոդյուսերը մտածում է բոյ բենդի հայեցակարգը, իսկ խմբի անդամները հավաքագրվում են մի շարք լսումների արդյունքում։ Բացի այդ, պրոդյուսերը զբաղվում է երգացանկի ընտրությամբ։ Չնայած կան բացառություններ. մասնակիցներից չի ակնկալվում, որ նրանք կարող են խաղալ երաժշտական գործիքների վրա ոչ բեմում և ոչ էլ ստուդիայում, բայց առանձնակի ուշադրություն է տրամադրվում պարային պատրաստությանը։
Բոյ բենդերի ելույթները իրենցից ներկայացնում են երաժշտական համարներ՝ տպավորիչ պարերով, որոնք նախատեսված են տղաների ֆիզիկական տվյալները ներկայացնելու համար։
Ներկայումս Արևմուտքում աղջիկների ուշադրությունը տեղափոխվել է դեպի տղաների փոփ ռոք խմբերը։ Արևելյան Ասիայում, որտեղ բոյ բենդերը կոչվում են իդոլ խմբեր, շատ սիրված են։
This article uses material from the Wikipedia Հայերեն article Բոյ բենդ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.