Xeración Y

Non hai datas precisas respecto de cando a Xeración Y comeza e remata. Os comentaristas empregan as datas de nacemento desde 1980 até 1999.

O termo Xeración Y empregouse por primeira vez no editorial de agosto de 1993 da revista estadounidense Advertising Age, co obxectivo de describir ós adolescentes daquela época. Definíronos como diferentes ós da Xeración X. Dende entón, a mesma revista referiu en máis dunha ocasión o ano de 1979, como data a partir da cal se pode considerar aos nados dentro desta xeración.

A Xeración Y fai alusión á xeración sucesora da Xeración X.

Coma ós membros da Xeración X, influídos pola cadea de televisión MTV, aos nados ao principio da Xeración Y tamén se lles coñece como Xeración MTV.

O sociólogo estadounidense Kathleen Shaputis etiquetara ós milenarios como o bumerang xeracional ou xeración Peter Pan, por mor da tendencia a atrasar algúns ritos na idade adulta por períodos máis longos que as xeracións precedentes. Estas etiquetas tamén foron unha referencia a unha tendencia cara ós membros que viven cos seus pais por períodos máis longos que as xeracións anteriores.

O Dr. Larry Nelson sinalou tamén que algúns mozos do milenio están a atrasar a transición desde a infancia até a idade adulta como resposta a erros cometidos polos seus pais. «En xeracións anteriores, casabas, iniciabas a túa carreira e facíalo inmediatamente. O que a xente nova está a ver hoxe é que ese enfoque levou a divorcios e a xente descontenta coas súas carreiras».

• Movemento 15-M en España 2011.

Outros artigos

• Xeracións
• Xeración X
• Xeración Z
• Xeración Einstein

Bibliografía

• Espinoza, Chip; Mick Ukleja, Craig Rusch (2010). Wiley, ed. Managing the Millennials: Discover the Core Competencies for Managing Today's Workforce. Hoboken, NJ. p. 172. ISBN 978-0-470-56393-9. Arquivado dende o orixinal o 22 de abril de 2016. Consultado o 30 de maio de 2016. 
• Espinoza, Chip (2012). Antioch University and OhioLINK, ed. Millennial Integration: Challenges Millennials Face in the Workplace and What They Can Do About Them. Yellow Springs. OH. p. 151.