Worldcat

O seu nome provén da contracción da expresión inglesa World Catalog ('Catálogo Mundial'). Creado no ano 1971, aloxa datos de máis de 10.000 bibliotecas públicas e privadas de todo o mundo. En 2005, contiña o 73% do National Union Catalog (catálogo de libros anteriores a 1956). WorldCat atópase dispoñible en moitas bibliotecas e redes informáticas das universidades e dende agosto de 2006, está dispoñible de balde a través de Internet no enderezo WorldCat.org.

Permite:

• obter a localización dun documento presente no seu catálogo,
• obter as súas diversas edicións,
• atopar as traducións a outras linguas,
• obter dunha edición concreta do documento a descrición bibliográfica en diversos estilos (APA, Chicago, Harvard, MLA e Turabian), coa opción Citar/Exportar,
• coa mesma opción, exportar a descrición bibilográfica nun estilo escollido a xestores de referencias como Endnote e RefWorks,
• atopar puntos de venda dixital,
• engadir unha recensión.

Ligazóns externas

• Páxina oficial (en inglés)

Bibliografía

• Sharma, Ravindra N.; IFLA, Headquarters (30 de xullo de 2012). Libraries in the early 21st century, volume 2: An international perspective. Walter de Gruyter. pp. 12–16. ISBN 978-3-11-029285-5.