O voo 202 de Airblue era un servizo doméstico regular de pasaxeiros entre o aeroporto de Jinnah e o aeroporto Benazir Bhutto que se esnafrou o 28 de xullo de 2010 preto de Islamabad, a capital de Paquistán, matando os 146 pasaxeiros e 6 tripulantes a bordo.
É o peor accidente de aviación ocorrido en Paquistán ata a data. O avión, un Airbus A321-231 operado por Airblue, esnafrouse na cordilleira Margalla ao norte de Islamabad. Os controladores de tráfico aéreo perderon o contacto co voo durante o seu intento de aterrar entre unha densa néboa e forte chuvia monzónica.
Voo 202 de Airblue | |
---|---|
O avión un mes antes do accidente | |
Resumo | |
Data | 28 de xullo de 2010 |
Causa | voo controlado contra o terreo agravado polo mal tempo e erro do piloto |
Lugar | cordilleira Margalla |
Coordenadas | 73°03′29″L / 33.739722, 73.058056 |
Orixe | aeroporto de Jinnah |
Destino | aeroporto Benazir Bhutto |
Finados | 152 |
Aeronave | |
Tipo de aeronave | Airbus A321-231 |
Operador | Airblue |
Rexistro | AP-BJB |
Pasaxeiros | 146 |
Tripulación | 6 |
Superviventes | 0 |
Foi o primeiro accidente con vítimas mortais dun Airbus A321, unha variante longa do Airbus A320. Baseada en Islamabad, Airblue é a segunda aeroliña máis grande de Paquistán, con máis do 30% do mercado doméstico. No momento do accidente a aeroliña operaba sete avións, todos da familia A320.
O aparello implicado no accidente era un Airbus A321-231, con rexistro AP-BJB. O avión fora construído no ano 2000, e tiña o número de serie 1218. Este foi o primeiro accidente fatal do A321, e a segunda perda do tipo. O avión fora entregado orixinalmente a Aero Lloyd e fora usado por Aero Flight antes de pasar á frota de Airblue en 2006. O aparello acumulaba máis de 34 000 horas de voo nuns 13 500 ciclos. A aeronave fora golpeada por un lóstrego o 30 de decembro de 2008.
This article uses material from the Wikipedia Galego article Voo 202 de Airblue, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.