Ulmaceae

Teñen follas simples alternas, a miúdo asimétricas, con estípulas caducas. Flores na súa maioría hermafroditas; monoclámideas; cáliz con 4 - 9 sépalos soldados; con 4 - 6 estames episépalos; xineceo bicarpelar, sincárpico, con dous estigmas patentes; comunmente agrupadas. Froito en sámara ou en drupa arredondada.

Está composta por unhas 140 especies das zonas tépedas subtropicais e tropicais do hemisferio norte, dous xéneros en Europa.

O nome da familia Ulmaceae provén desde 1815 Charles François Brisseau de Mirbel en Elem. Physiol. Veg. Bot., 2, S. 905. O xénero tipo é Ulmus L. (os umeiros). A familia das Ulmáceas durante moito tempo só tivo dúas subfamilias: Ulmoideae e Celtidoideae dentro da ordo Urticales. Estudos de xenética molecular revelaron que as seis ou sete familias e 2.600 especies da anterior ordo Urticales pertencían á orde Rosales. Resultou que a subfamilia Celtidoideae, cos xéneros Aphananthe, Celtis, Gironniera, Pteroceltis e Trema non se asocian xa á subfamilia Ulmoideae, senón que eses xéneros que se enmarcaban na subfamilia Celtidoideae pertencen en realidade ás Cannabaceae.

Familias relacionadas dentro da orde Rosales:

Na familia das Ulmáceas hai actualmente só sete xéneros con preto de 35 especies

• Ampelocera Klotzsch: Con polo menos tres especies no Neotrópico.
• Hemiptelea Planch.: Co seguinte tipo:
  • Hemiptelea davidii (Hance) Planch.: É orixinario da China e Corea..
• Holoptelea Planch.: Con arredor de dúas especies na África tropical.
• Phyllostylon Capan. ex Benth. & Hook. f.: Con dúas especies no Neotrópico.
• Planera J.F.Gmelin: O único tipo:
  • Planera aquatica J.F.Gmelin: Procede do sueste dos Estados Unidos. É o "Falso sándalo".
• Ulmus L.: Con 20-30 especies. Os seus froitos son sámaras, onde a semente está no centro da á.
• Zelkova Spach: Con cinco a sete especies.