Skrillex
Sonny John Moore, nado no barrio de Highland Park, na cidade dos Ánxeles, o 15 de xaneiro de 1988, é un DJ, cantante e produtor musical estadounidense coñecido polo seu nome artístico Skrillex.
Sonny Moore uniuse á banda post-hardcore From First to Last como o seu cantante en 2004, e gravou dous álbums con eles Dear Diary, My Teen Angst Has a Body Count (2004) e Heroine, (2006). Deixou a banda para comezar a súa carreira en solitario en 2007. Comezou a súa primeira xira en solitario a finais de 2007. Despois de recrutar novos membros para a nova banda, Moore uniuse á xira Alternative Press Tour para apoiar a All Time Low e The Rocket Summer.
.jpg)
Despois de lanzar o EP Gypsyhook EP no 2009, Moore tiña previsto a gravación do seu álbum de estudio Bells, xunto co produtor Noah Shain. Porén, parou a produción do álbum e comezou a súa andaina baixo o nome de Skrillex, distribuíndo o EP My Name Is Skrillex mediante descarga gratuíta na súa páxina oficial de MySpace. Máis tarde, lanzou o Scary Monsters and Nice Sprites a finais de 2010 e More Monsters and Sprites a mediados de 2011, cos cales conseguiu un éxito comercial moderado. O 30 de novembro de 2011, foi nomeado a cinco Premios Grammy, e gañou tres galardóns: "Mellor Álbum Dance/Electrónica", "Mellor Gravación Dance" e "Mellor Gravación Remixed, Non Clásica". On 5 de decembro de 2011, a BBC anunciou que estaba nomeado á votación Sound of 2012. O 12 de decembro de 2011, foi galardoado co Premio MTV como Mellor artista do ano de música dance electrónica. Skrillex gañou un total de seis Premios Grammy.
Discografía
- Gypsyhook EP (2009)
- My Name Is Skrillex (2010)
- Scary Monsters and Nice Sprites (2010)
- More Monsters and Sprites (2011)
- Bangarang (2011)
- Make It Bun Dem After Hours EP (2012)
- Leaving (2013)
- Recess (2014)
- Skrillex and Diplo Present Jack Ü (con Diplo como Jack Ü) (2015)
- Bandas sonoras
- 2013: Spring Breakers
Notas
Véxase tamén
| Commons ten máis contidos multimedia sobre: Skrillex |
Ligazóns externas
This article uses material from the Wikipedia Galego article Skrillex, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.