Un disc-jóckey, máis comunmente abreviado como DJ, é unha persoa que toca e mestura música gravada para un público.
Os tipos de DJ inclúen DJs de radio (que organizan programas en emisoras de radio de música), DJ de clubs (que traballan nas discotecas ou festivais de música), DJs móbiles (que son contratados para traballar en eventos públicos e privados como vodas, festas ou festivais), e turntablists (que usan tocadiscos, para manipular os sons dos discos fonográficos). Orixinalmente, o "disco" en "disc-jóckey" referíase aos discos de goma laca e posteriormente de vinilo, pero hoxe en día úsase DJ como un termo que abarca tamén ás persoas que mesturan música doutros medios de gravación, como casetes, CD ou ficheiros de son dixital nun CDJ ou nun portátil. Estes equipos poden reproducir, como mínimo, dous tipos de música gravada, de maneira simultánea, e mesturalos entre si. Isto permite que o DJ cree transicións entre cancións.
Os DJ poden adoptar o título "DJ" diante dos seus nomes reais, pseudónimos adoptados ou nomes artísticos.
This article uses material from the Wikipedia Galego article Disc-jóckey, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.