Salerno: Comuna italiana

Localízase no Golfo de Salerno do Mar Tirreno.

Salerno

Localización
40°40′50″N 14°45′34″L / 40.6806, 14.759414°45′34″L / 40.6806, 14.7594
Estado	Italia
Rexión	Campania
Provincias	Provincia de Salerno
Capital de	Provincia de Salerno Ducado de Puglia e Calabria (1077–1130)
Poboación
Poboación	127.186 (2023) (2.125,08 hab./km²)
Lingua oficial	lingua italiana
Xeografía
Superficie	59,85 km²
Altitude	4 m
Comparte fronteira con	Baronissi (pt) San Cipriano Picentino (pt) San Mango Piemonte (pt) Vietri sul Mare (pt) Pontecagnano Faiano (pt) Cava de' Tirreni (pt) Giffoni Valle Piana (pt) Castiglione del Genovesi (pt) Pellezzano (pt)
Santo padrón	Mateo o Evanxelista
Identificador descritivo
Código postal	84121–84135
Fuso horario	UTC+01:00, horario estándar UTC+02:00, horario de verán
Prefixo telefónico	089
Identificador ISTAT	065116
Código catastral italiano	H703
Outro
Irmandado con	Tōno Baltimore Pazardzhik Montpellier Ruán Legnago (pt)
Páxina web	comune.salerno.it

Foi unha antiga cidade na costa norte do golfo de Paestum, no actual golfo de Salerno. A súa orixe é descoñecida e non se sabe nada do seu período anterior ó romano.

A colonia romana estabeleceuse no -197. Tito Livio menciónaa como Castrum Salerni, o que indica que xa existía unha fortaleza. Algúns picenos (supostamente os das cidades de Picenum que estiveran a prol de Aníbal) estabelecéronse alí. A cidade non acadou demasiada importancia e o territorio foi coñecido como Ager Picentinus e o pobo asentado alí como "picentes".

 

Na Guerra Social foi ocupada polo xeneral samnita C. Papius, pero é a única vez que o seu nome volve a aparecer na historia. Tiña un bo clima e Horacio di que lla recomendaron pola súa saúde. Foi municipio baixo o Imperio pero conservou o título de colonia de acordo coas inscricións.

Despois da caída do imperio, pasou sucesivamente a mans de Odoacro, os ostrogodos e os bizantinos, e conquistada polos longobardos formou parte do Ducado de Benevento (646). Nesta época foi sede dun bispado.

A guerra civil no ducado de Benevento levou á división do país e ó estabelecemento do Principado de Salern oficializado en 849. Existiu até a conquista normanda en 1077.

No século X tivo unha famosa escola de medicina (Schola Salernitana). A cidade formou parte despois de 1077 do ducado normando de Pulla-Calabria. Posteriormente foi doada ós Colonna, Orsini e Sanseverino, e seguiu o mesmo destino de Nápoles e Dúas Sicilias pasando a Italia en 1861.

Os aliados desembarcaron na cidade en setembro de 1943 e en febreiro de 1944 instaurouse na cidade o goberno do mariscal Pietro Badoglio.

Ligazóns externas

• Páxina oficial de Salerno (en italiano)