Rubiá: Concello da comarca de Valdeorras, na provincia de Ourense

Segundo o padrón municipal en 2014 tiña 1494 habitantes (1716 en 2003). O seu xentilicio (véxase no Galizionario) é «rubiao».

Rubiá

Localización
42°26′59″N 6°56′56″O / 42.449722222222, -6.94888888888896°56′56″O / 42.449722222222, -6.9488888888889
Estado	España
Comunidade autónoma	Galicia
Provincia	Provincia de Ourense
Capital	Rubiá
Contén a división administrativa	A Veiga de Cascallá Biobra Covas O Barrio de Cascallá O Porto O Robledo da Lastra Oulego Pardollán Quereño Rubiá
Poboación
Poboación	1.384 (2023) (13,74 hab./km²)
Xeografía
Superficie	100,7 km²
Altitude	549 m
Comparte fronteira con	Carucedo O Barco de Valdeorras Oencia Carballeda de Valdeorras Ponte de Domingos Flórez Sobrado
Organización política
• Alcalde	Elías Rodríguez Núñez
Eleccións municipais en Rubiá
Identificador descritivo
Código postal	32310
Fuso horario	UTC+01:00
Código INE	32073
Páxina web	rubia.es

O concello ten 100,7 km², e abrangue 10 parroquias. Limita ao norte e ao leste coa provincia de León, ao sur con Carballeda de Valdeorras e ao oeste co Barco de Valdeorras.

É predominantemente montañoso, localizándose ao noroeste a zona máis abrupta, a serra da Enciña da Lastra, que se alonga pola parte central e oriental do concello, e onde nacen dous ríos, o Meiral e o Galir, afluentes do Sil. Ten unha altitude media duns 600 metros, sendo as cotas máis altas os picos das Tres Penas Marías (1268 m), O Piornal (1528 m) e Portelo da Tara (1099 m).

A zona estivo poboada desde a prehistoria, conservándose dous poboados castrexos: o castro de Pardellán e o castro de Cabeza. Durante a romanización construíronse varias vías.

Na idade media albergou varios mosteiros. Desa época consérvase un templo románico en Pardollán. Hai tallas barrocas, como o retablo do Rosario e a talla dos doce apóstolos do retablo maior da parroquial de Rubiá, ou a talla da Virxe do Rosario, o Sagrario coa Verónica na porta (obras de Gregorio Español) e a pequena talla de santo Antón Abade en Biobra.

Entre a arquitectura civil destaca a Casa Grande de Rubiá e a ponte de Regueiral.

Rubiá conta coa ruta homologada de sendeirismo PR-G 144 "Ruta Natural dos Castros a Nivieira". É unha ruta sendeirista circular de 6 km con principio e fin en Rubiá.

No concello localízase a árbore senlleira aciñeira de Covas.

•  
  Muíño en Oulego.
•  
  Natrix maura, serra de Enciña de Lastra.
•  
  Orchis mascula na serra de Enciña de Lastra.
•  
  Orchis italica na serra de Enciña de Lastra.
•  
  Igrexa de Santo Estevo de Pardollán.
•  
  Placa altimétrica do concello.

Para unha lista completa de todos os lugares do concello de Rubiá vexa: Lugares de Rubiá.

Wiki Commons ten máis contidos multimedia na categoría:  Rubiá

Outros artigos

• Eleccións municipais en Rubiá

Ligazóns externas

• Decreto do venres, 18 de outubro de 1985 polo que se aproba o escudo heráldico do concello de Rubiá
• Sendeirismo: PR-G 144 Ruta Natural dos Castros a Nivieira (Concello de Rubiá) - SEGATUR

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.