Paulo González Ogando: Profesor e escritor galego

Paulo González Ogando
	;
Biografía
Nacemento	24 de setembro de 1982 (41 anos); Pontevedra, España
Datos persoais
País de nacionalidade	España
Educación	Universidade de Santiago de Compostela
Actividade
Ocupación	escritor
Familia
Pais	Anxo González Guerra e Vitoria Ogando Valcárcel
Páxina web	paulo.gal

Traxectoria

Estudou secundaria no IES Torrente Ballester e licenciouse en Matemáticas na Universidade de Santiago de Compostela.

Comezou traballando de analista na empresa privada en Madrid. Despois foi docente de matemáticas en Ordes, Hervás, Pobra de Seabra, Medina de Pomar e finalmente no IES Johán Carballeira de Bueu.

No seu blog compaseregra leva compartidas máis de duascentas construcións dinámicas elaboradas seguindo as normas clásicas da xeometría con regra e compás. Tamén elaborou múltiples actividades con Geogebra. Ten publicado artigos en La Gaceta de la Real Sociedad Matemática Española, Revista Números, Revista SUMA e Boletín de la titulación de matemáticas de la UAL, Boletín das Ciencias.

En 2022 publicou Bocados matemáticos. Libro de divulgación no que "pretende romper prexuízos, facer pensar e acercar as matemáticas en pequenos bocados", "facer que a xente vexa as matemáticas con outra mirada, que perda os medos e bloqueos e que lles dean outra oportunidade" e aumentar a divulgación científica en galego. Segundo María Navarro son "un bocado ben gorentoso para os especialistas na materia e profanos que queiran mordisquear contidos matemáticos dunha forma amena e gustosa".

Tamén en 2022 saíu en castelán Matemáticas y deporte, no que se relacionan estes dous mundos fixando a atención en atletismo, baloncesto, ciclismo, fútbol, tenis, billar, natación, tiro ou béisbol.

Obra

En galego

Presentación de Bocados matemáticos na Libraría Paz de Pontevedra (23/02/2022). Co divulgador matemático Cibrán Arxibai e o director de Edicións Xerais Fran Alonso.
Bocados matemáticos (2022). Vigo: Xerais, Básicos ciencia. 136 páxs. ISBN 978-84-1110-046-5. ePub: ISBN 978-84-1110-052-6.

En castelán

Matemáticas y deporte (2022). Madrid: Catarata, Col. Miradas matemáticas. 128 páxs. ISBN 978-84-1352-429-0.

Familia

Paulo González Ogando é fillo de Vitoria Ogando e Anxo González Guerra.

Premios

Gañador do Premio de microrrelatos Cela 2022.

Notas

Véxase tamén

Ligazóns externas

This article uses material from the Wikipedia Galego article Paulo González Ogando, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.