Omán: País do extremo oriental da Península da Arabia

Está constituído por dous territorios descontinuos: o máis pequeno é a Península de Musandam e mailos territorios veciños, no Estreito de Ormuz, separados do resto de Omán polos Emiratos Árabes Unidos. O resto e meirande parte do país está á sueste da Arabia Saudita. A cidade de Madha forma un enclave no territorio dos Emiratos Árabes Unidos.

Omán

سلطنة عُمان (ar)
Bandeira Brasón
Himno	Nashid as-Salaam as-Sultani (pt)
Localización
21°N 57°L / 21, 5757°L / 21, 57
Capital	Mascate
Contén a división administrativa	Ad Dakhiliyah (pt) Ad Dhahirah (pt) Al Buraimi (pt) Al Wusta (pt) Ash Sharqiyah Sul (pt) Batina Setentrional (pt) Governamento de Al Batinah Sul (pt) Governamento de Ash Sharqiyah Norte (pt) Governamento de Muscat (pt) Península de Musandam Zufar (pt)
Poboación
Poboación	4.829.480 (2018) (15,6 hab./km²)
Lingua oficial	árabe
Relixión	Islam
Xeografía
Parte de	Oriente Medio Asia Occidental Estados do Golfo lista negra dos paraísos fiscais da Unión Europea (2019–)
Superficie	309.500 km²
Punto máis alto	Jebel Shams (3.100 m)
Punto máis baixo	Majlis al Jinn (pt) (−120 m)
Comparte fronteira con	Arabia Saudita Emiratos Árabes Unidos Iemen Irán
Datos históricos
Precedido por	Oman proper (en)
Creación	23 de xullo de 1970
Organización política
Forma de goberno	monarquía absoluta
Órgano executivo	Cabinet of Oman (en)
• Sultan of Oman (en)	Haitham bin Tarik Al Said (pt) (2020–)
Órgano lexislativo	Council of Oman (en) ,
Membro de	Organización Mundial da Saúde Agência Internacional para as Energias Renováveis (pt) Convención das Nacións Unidas sobre o Dereito do Mar ../... 32+
PIB nominal	88.191.977.373 $ (2021)
Moeda	Rial omanense (pt)
Identificador descritivo
Fuso horario	UTC+04:00 Asia/Muscat (en)
Dominio de primeiro nivel	.om
Prefixo telefónico	+968
Teléfono de emerxencia	968 (pt) e 112
Código de país	OM
Páxina web	oman.om

 

Limita ao norte co golfo de Omán (ao outro lado do cal se estenden as costas do Irán); ao leste e sur co mar de Arabia; ao oeste co Iemen, Arabia Saudita e cos Emiratos Árabes Unidos. A capital do Omán é Mascate.

Unha vasta chaira desértica de grava cobre a maior parte do centro de Omán, con cadeas montañosas ao longo do norte (montañas Al Hajar) e a costa sueste, onde tamén se atopan as principais cidades do país: a capital Muscat, Sohar e Sur no norte, e Salalah no sur. O clima de Omán é cálido e seco no interior e húmido ao longo da costa. Durante épocas pasadas Omán estaba cuberto polo océano, demostrado polo gran número de conchas fosilizadas que existen en zonas do deserto lonxe da liña de costa actual.

 

A península de Musandam (enclave de Musandem), ten unha situación estratéxica no Estreito de Ormuz, está separada do resto de Omán polos Emiratos Árabes Unidos. A serie de pequenos pobos coñecidos como Dibba son a porta de entrada á península de Musandam por terra e os pobos pesqueiros de Musandam por mar, teñen barcos dispoñibles para alugueiro en Khasab para viaxes á península de Musandam por mar.

Outro enclave de Omán, en territorio dos Emiratos Árabes Unidos, coñecido como Madha, se atopa a medio camiño entre a península de Musandam e o corpo principal de Omán, forma parte da gobernación de Musandam, cubrindo aproximadamente 75 km². O límite de Madha estableceuse en 1969, coa esquina nordeste de Madha a apenas 10 m. da estrada de Fujairah. Dentro do enclave de Madha atópase outro enclave dos UAE chamado Nahwa, que pertence ao emirato de Sharjah, situado a uns 8 km. ao longo dun camiño de terra ao oeste da cidade de Nova Madha, que consta dunhas corenta casas cunha clínica e central telefónica.

O deserto central de Omán é unha fonte importante de meteoritos para a análise científica.

Omán é considerado unha monarquía absoluta. O sultán Qaboos bin Said Al Said gobernou o país durante medio século dende 1970 até a súa morte en 2020. Foi sucedido polo seu curmán Haitham bin Tariq Al Said.

A maioría dos 3.001.583 omanies (datos de 2005) son árabes, pero existe unha minoría baluchi. Hai tamén no país un número importante de traballadores estranxeiros, arredor de 600.000, provenientes da India, de Irán e de Paquistán, principalmente.

O 50% da poboación vive en Mascate e mais en Batina.

Estrutura de idade

0-14 anos: 42.7% (homes 744,265 / mulleres 714,116)

15-64 anos: 54.5% (homes 1,079,511 / mulleres 783,243)

65 anos e máis: 2.8% (homes 55,180 / mulleres 41,770) (2010 est.)