Newsweek

Publícase en Nova York e distribúese nos Estados Unidos.

Newsweek
País	Estados Unidos de América
Lugar de publicación	Nova York
Coordenadas
Lingua	lingua inglesa
Fundación	1933
Primeira edición	17 de febreiro de 1933
Circulación
Frecuencia	1 semana
ISSN	0028-9604
OCLC	840302866
Na rede
http://www.newsweek.com/, http://search.ebscohost.com/direct.asp?db=a9h&jid=%22FXPI%22&scope=site, http://search.proquest.com e https://www.newsweek.com/
[ editar datos en Wikidata ]

Debido a problemas financeiros, Newsweek suspendeu as súas edicións impresas o 31 de decembro de 2012 e volveu retomalas o 7 de marzo de 2014.

Orixinalmente denominada News-Week, foi fundada por Thomas J.C. Martyn o 17 de febreiro de 1933. Ese número contiña sete fotografías das novas da semana na súa portada. Co paso do tempo ampliou o concepto de revista de novas, dende historias persoais á análise e a crítica. En 1961 The Washington Post Company comprou a revista.

A data de 2003, calculábase que tiña unha distribución mundial de máis de 4 millóns de exemplares, incluíndo 3,1 millóns nos Estados Unidos. Tamén publica edicións en xaponés, coreano, polaco, ruso, español e árabe, ademais de Newsweek International en inglés.

Aínda que estea centralizada en Nova York, ten 22 oficinas: nove nos Estados Unidos e en Pequín, São Paulo, Río de Xaneiro, Buenos Aires, Cidade do Cabo, Frankfurt, Hong Kong, Xerusalén, Londres, Cidade de México, Moscova, París, Toquio e Varsovia.

Dende 2008, Newsweek atravesou varios problemas financeiros, que se viron reflectidos en reducións sucesivas. En agosto, o grupo The Washington Post vendeu esta revista ó empresario Sidney Harman por un prezo simbólico de 1 dólar. O editor Jon Meacham renunciou tras concretarse a venda. En novembro de 2010, Newsweek fusionouse co sitio web de opinión The Daily Beast. Newsweek é propiedade conxunta de Harman e IAC.