Museo De Belas Artes De Boston
O Museo de Belas Artes de Boston (en inglés, Museum of Fine Arts, Boston, MFA) é un dos museos máis grandes dos Estados Unidos e contén a segunda colección permanente máis grande no hemisferio occidental, trala do Museo Metropolitano de Arte en Nova York.
O director actual do museo é Matthew Teitelbaum.
| Museo de Belas Artes de Boston | |
|---|---|
 | |
 | |
| Tipo | museo de arte e 501(c)(3) |
| Data de fundación | 1870 |
| Fundador(es) | Martin Brimmer e Charles C. Perkins |
| Director/a | Malcolm Rogers, Matthew Teitelbaum, George Harold Edgell, Perry T. Rathbone e Cornelius Vermeule |
| Localización | |
| Sede | Boston |
| Enderezo | Huntington Avenue 465 |
| En | Boston |
| País | Estados Unidos de América |
| 42°20′22″N 71°05′39″O / 42.339444444444, -71.094166666667 | |
| Na rede | |
| http://www.mfa.org/ | |
     | |
| [ editar datos en Wikidata ] | |
Foi creado no ano 1870 e inaugurouse en 1876, cunha gran parte das súas coleccións tomada da galería de arte do Ateneo de Boston. Atópase na Avenida Huntington de Boston, Massachusetts dende o ano 1909. Ademais da súa finalidade conservadora, o museo está asociado cunha academia de arte, a Escola de Belas Artes de Boston, e un museo irmán, en Nagoya/Boston Museum of Fine Arts, en Nagoya, Xapón.
Algunhas das obras destacadas deste museo son:
- Antigüidades exipcias, incluíndo esculturas, sarcófagos e xoiería.
- Pintura europea antiga, con obras mestras de fama mundial, de Rogier van der Weyden, O Greco, Velázquez, Jacob Jordaens, Rembrandt...
- Pintura impresionista e postimpresionista francesa, incluíndo cadros de Paul Gauguin como ¿De onde vimos? ¿A onde imos? (D'où venons-nous? Que sommes-nous? Où allons-nous?) e obras de Manet, Renoir, Degas, Monet, Van Gogh, Cézanne entre outros.
- Pintores estadounidenses dos séculos XVIII e XIX, incluíndo moitas obras de John Singleton Copley, Winslow Homer e John Singer Sargent.
- A colección Edward S. Morse de 5.000 pezas de cerámica xaponesa, que forma parte da maior colección de obras xaponesas fóra do Xapón.
- A Galería Gund que alberga exposicións temporais mentres que un xardín xaponés achega un espazo tranquilo e contemplativo fóra do propio museo.
- Frecuentemente alberga exposicións especiais, sendo a máis popular a mostra Art of Star Wars (sobre deseños de A guerra das galaxias) en 2002, que atraeu a máis de 1.652.000 visitantes.
Galería de obras destacadas
-
El Greco, Retrato de frei Hortensio Paravicino -
Velázquez, O príncipe Baltasar Carlos cun anano -
Van Gogh, La Berceuse -
O Museo de Belas Artes é famoso pola súa colección de obxectos do antigo Exipto.
Véxase tamén
Ligazóns externas
| Commons ten máis contidos multimedia sobre: Museo de Belas Artes de Boston |
This article uses material from the Wikipedia Galego article Museo de Belas Artes de Boston, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.