Minas Xerais: Estado federado do Brasil

Localízase no Sueste e ten coma límites ó norte e nordeste a Baía, ó leste o Espírito Santo, ó sursueste o Estado do Río de Xaneiro, ó sur e suroeste o estado de São Paulo, ó oeste o Mato Groso do Sur e ó noroeste o estado de Goiás.

Minas Xerais

Estat de Minas Gerais (pt)
Bandeira Brasón
Himno	Hino de Minas Gerais (pt)
Nomeado en referencia a	mina
Localización
18°57′S 44°34′O / -18.95, -44.5744°34′O / -18.95, -44.57
Estado	Brasil
Capital	Belo Horizonte
Poboación
Poboación	21.119.536 (2017) (36,01 hab./km²)
Lingua usada	Língua puri (pt) Lingua pataxó Xakriabá (en) Dialeto mbiá (pt) Língua maxacali (pt) Língua koropó (pt) Língua crenaque (pt)
Xeografía
Parte de	Rexión Sueste do Brasil
Superficie	586.514 km²
Altitude	1.193 m
Punto máis alto	Pico da Bandeira (pt) (2.891,32 m)
Comparte fronteira con	São Paulo Bahia Espírito Santo Distrito Federal Mato Groso do Sur - Mato Grosso do Sul Goiás Estado do Río de Xaneiro
Datos históricos
Precedido por	Província de Minas Gerais (pt)
Creación	1889
Santo padrón	Virxe das Dores
Organización política
Órgano executivo	secretariado do governo de Minas Gerais (pt)
• Governador (pt)	Romeu Zema (pt) (2019–)
Órgano lexislativo	Assembleia Legislativa de Minas Gerais (pt) Circunscrición: 0, (Escano: 77)
Identificador descritivo
Fuso horario	UTC−03:00 America/Sao_Paulo (en)
ISO 3166-2	BR-MG
Outro
Irmandado con	Prefectura de Yamanashi (1973–) Daegu (1994–)
Páxina web	mg.gov.br

A exploración da rexión iniciouse no comezo do século XVI, por bandeirantes (exploradores) orixinarios de San Paulo, que buscaban ouro e pedras preciosas. En 1693 as primeiras descubertas importantes de ouro na Serra do Sabaraçu provocaron un grande afluente de persoas. En 1696 fundouse a primeira freguesía, Nosa Señora do Ribeirão do Carmo, que en 1711 tornouse a primeira vila da rexión e actualmente chámase Mariana.

 

Durante a primeira metade do século XVIII, Minas Xerais tornouse a máis importante rexión económica do Brasil. En 1720 foi separada de San Paulo e tornouse capitanía. Entre tanto, a produción de ouro comezou a caer despois de 1750, o que levou Portugal a buscar medios de aumentar a recadación de impostos, xerando a mecha dunha conspiración coñecida na historia como Inconfidencia Mineira.

Coa independencia do Brasil en 1822, a capitanía volveuse provincia do Imperio. Despois da proclamación da república en 1889, tornouse estado.

Durante o século XIX e comezos do século XX, o café e o gando foron dous importantes produtos na súa economía. Despois da segunda metade do século XX, a minería de ferro, a produción de enerxía hidroeléctrica en Furnas e Tres Marías, a siderurxia e o crecemento de parques industriais en varias cidades (especialmente na rexión metropolitana da capital, ó sur do estado, en Juiz de Fora e no Triângulo Mineiro ó oeste) trouxeron unha acentuada diversificación económica. Hoxe é o terceiro estado en actividade económica do Brasil, despois de San Paulo e case superando o Río de Xaneiro.

Minas Xerais esta sita entre os paralelos de 14º13'58" e 22º54'00" de latitude sur, e entre os meridianos de 39º51'32" e 51º02'35" ó oeste de Greenwich. É o segundo Estado brasilleiro en poboación total, con 18 millóns de habitantes. É tamén o Estado brasileiro co maior número de municipios, 853, ou sexa, 15,5% do total de municipios do Brasil.

A súa capital e a cidade máis poboada é Belo Horizonte, con 2,4 millóns de habitantes (máis de 5 millóns na súa rexión metropolitana, chamada Grande Belo Horizonte ou Grande BH). Outras cidades importantes son: Contagem (situada na Grande BH), Uberlândia, Juiz de Fora e Itabira.

Relevo

 

As maiores altitudes están nas serras de Mantiqueira, de Espinhaço, de Canastra e no Parque Nacional do Caparaó, onde hai terreos localizados por riba dos 1700 metros. O punto culminante do estado é o Pico da Bandeira, con 2.891,9 metros de altitude, situado en divisa co estado do Espírito Santo.

Clima

Os climas predominantes en Minas Xerais son o tropical e o tropical de altitude. As rexións máis altas e o sur do estado presentan as temperaturas máis baixas, chegando próximas de 0 °C en invernos rigorosos na rexión da Serra da Mantiqueira. Ó sur, sursueste, leste e centro do estado son rexistrados os maiores índices pluviométricos.

Noutro extremo, nas porcións norte e nordeste (parte do sertão brasileiro), as choivas escasas e as altas temperaturas fan esas rexións moi susceptibles á seca.

Hidrografía

O principal río do estado é o São Francisco, que nace na Serra da Canastra a 1200 m de altitude e corta boa parte do estado. Outros ríos importantes son o Paranaíba e o Grande, que forman parte da conca hidrográfica do río Paraná.

 

O Estado é un importante produtor de café, soia, leite, carne e outros produtos agropecuarios, e tamén de produtos de minería: ferro, aluminio, calcario e outros. Actualmente tamén a industria é moi importante: transformación mineral, siderurxia (aceiro), electrónica, automóbiles (FIAT, Iveco e Mercedes Benz posúen fábricas no estado), ademais de téxtiles, alimentos e bebidas.

Outra actividade importante é o turismo. O Estado, dentre outros, ten como atractivos:

• cidades históricas do período colonial, como Ouro Preto, Mariana, Sabará, Congonhas, São João del Rei, Tiradentes e Diamantina, con súas igrexas, predios públicos e casas ben conservadas
• estáncias de augas minerais, como Araxá, Poços de Caldas, Lambari, Caxambu e outras
• paisaxes naturais preservadas, en seus Parques Nacionais e reservas: Parque Nacional do Caparaó, Parque Nacional da Serra do Cipó, e outros.

Wiki Commons ten máis contidos multimedia na categoría:  Minas Xerais

Outros artigos

• Brasil
• Estados do Brasil

Ligazóns externas

• Sitio web oficial Arquivado 23 de xuño de 2014 en Wayback Machine.