Maria Gripe, nada como Maja Stina Walter en Vaxholm o 25 de xullo de 1923 e finada en Rönninge o 5 de abril de 2007, foi unha escritora sueca de literatura infantil e xuvenil.
Biografía | |
---|---|
Nacemento | 25 de xullo de 1923 Vaxholm, Suecia (pt) |
Morte | 5 de abril de 2007 (83 anos) Rönninge, Suecia (en) |
Datos persoais | |
País de nacionalidade | Suecia |
Educación | Universidade de Estocolmo |
Actividade | |
Ocupación | escritora , guionista , escritora de literatura infantil , autora |
Período de actividade | 1954 - |
Lingua | Lingua sueca |
Familia | |
Fillos | Camilla Gripe (en) |
Premios
| |
Filla dun escritor, casou co pintor e ilustrador Harald Gripe, que a animou a escribir e máis tarde había de ilustrar moitos dos seus contos, foi autora de preto de 40 libros, traducidos a 29 idiomas; concedéronlle a medalla Andersen no 1974, considerada o equivalente do Premio Nobel para escritores de literatura infantil. A propia María Gripe contaba que comezou escribir aos 12 anos en que redactou unha novela de cabalarías. Con todo, non o fixo de xeito profesional ata que a súa filla tivo sete anos. Para ela escribira o relato I var lilla stad (Na nosa pequena cidade), que foi a súa primeira obra, publicada en 1954.
Acadou o seu primeiro grande éxito con Hugo och Josefin pero, sen dúbida, o que lle deu definitivamente sona internacional foi a serie protagonizada polo mozo Elvis Karlsson, un dos grandes retratos de neno (e mozo, porque a serie acompaña ao pequeno Elvis ata a adolescencia) da historia da literatura universal. A súa novela de misterio Os escaravellos voan á tardiña foi traducida ao galego polo escritor Carlos Casares.
This article uses material from the Wikipedia Galego article Maria Gripe, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.