Sabela ou Isabel é un antropónimo feminino de orixe grega resultante da tradución do hebraico Elisheva (אֱלִישֶׁבַע), que significa 'Deus é o meu xuramento'.
Entre outras versións abreviadas dese nome inclúense: Elisa, Isabela, Bete, Zabete, Zabel e Lisa.
Sabela, segundo o Novo Testamento, era a nai de Xoán Bautista. Segundo o Evanxeo de Lucas Sabela descendía de Aharón o sacerdote (Lucas 1:5). Ela e o seu marido Zacarías eran xustos ante Deus, pois gardaban os seus mandamentos, pero non tiñan fillos. O arcanxo Gabriel visitou a Zacarías para lle anunciar que a súa muller tería un fillo que sería grande ante o señor.
Cando Sabela estaba preñada recibiu a visita de María, a súa curmá, que tamén estaba embarazada de Xesús. Ó ouvi-lo saúdo de María o neno que Sabela tiña no ventre brincou e esta, chea do Espírito Santo, exclamou: "Bendita ti entre as mulleres e bendito o froito do teu ventre" (Lucas 1:42) (palabras que se recolleron posteriormente no Avemaría)
Sabela é santa nas tradicións católica, ortodoxa e anglicana. A Igrexa católica celébraa o 5 de novembro.
"Sabela" é o título dun dos relatos da obra de Castelao Retrincos.
This article uses material from the Wikipedia Galego article Isabel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.