Interkosmos 14
Interkosmos 14 (Интеркосмос 14 en ruso), tamén denominado DS-U2-IK Nº 7, foi un satélite artificial soviético lanzado o 11 de decembro de 1975 mediante un foguete Kosmos 3M desde o cosmódromo de Plesetsk.
| Interkosmos 14 | |
|---|---|
| Tipo | Científico |
| Destino actual | Reentrado na atmosfera. |
| Data de lanzamento | 11 de decembro de 1975, 17:00 GMT |
| Foguete portador | Kosmos 3M |
| Sitio de lanzamento | Cosmódromo de Plesetsk |
| Obxectivo da misión | Estudo da ionosfera e a magnetosfera terrestres. |
| Decaemento | 27 de febreiro de 1983 |
| NSSDC ID | 1975-115A |
| Masa | 700 kg |
Características
Interkosmos 14 foi o sétimo e último membro da serie de satélites DS-U2-IK. Estaba adicado ó estudo da ionosfera terrestre e foi unha das contribucións ó programa de Estudo Magnetosférico Internacional (IMS pola súa sigla en inglés). O satélite levaba cinco experimentos a bordo para medir as emisións ELF (Extremely Low-Frequency, frecuencia extremadamente baixa) e VLF (Very Low-Frequency, frecuencia moi baixa) da magnetosfera terrestre, así como a variación da densidade do plasma ionosférico e temperatura de electróns ó longo da súa órbita, a variación do contido total de electróns da ionosfera e a enerxía e características de penetración das chuvias de meteoros.
O satélite orientábase magneticamente e contiña un sistema de telemetría estándar e un sistema de banda larga para transmitir datos en tempo real ou a partir do almacenamento de a bordo, consistente nunha grabadora de cinta.
Interkosmos 14 estaba enmarcado dentro do programa de colaboración internacional Interkosmos entre a Unión Soviética e outros países. Foi inxectado nunha órbita inicial de 1707 km de apoxeo e 345 km de perixeo, cunha inclinación orbital de 74 graos e un período de 105,3 minutos. As operacións co satélite finalizaron o 28 de xuño de 1976 e reentrou na atmosfera o 27 de febreiro de 1983.
Notas
Véxase tamén
Bibliografía
- Apati, I.; Vasiukova, Z. V.; Kashcheev, B. L.; Rybakov, A. K.; Surkov, Iu. A.; Tkachuk, A. A.; Zakharov, I.; Khaiduk, A.; Shimek, M. (setembro-outubro de 1981). "Results from the Intercosmos-14 meteoroid study and from accompanying ground observations of meteoroids". Kosmicheskie Issledovaniia (19): 790–794. Consultado o 12 de setembro.
- Fabien DARROUZET, Joseph LEMAIRE (febreiro de 2000). "SURVEY OF ELF AND VLF EXPERIMENTS IN THE MAGNETOSPHERE". ESA Proceedings: 307–310. Arquivado dende o orixinal o 21 de setembro de 2007. Consultado o 12 de setembro.
- MICHAILOVA G. A. ; KAPUSTINA O. V. ; MICHAILOV Y. M. (1983). "ELF emission in the outer ionosphere stimulated by short fractional hop whistlers". Journal of atmospheric and terrestrial physics 45 (12): 823–832. Arquivado dende o orixinal o 11 de novembro de 2012. Consultado o 12 de setembro.
Outros artigos
This article uses material from the Wikipedia Galego article Interkosmos 14, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.