Elijah ben Solomon Zalman, (en hebreo: ר' אליהו בן שלמה זלמן Rabbi Eliyahu ben Shlomo Zalman) coñecido como o Gaon de Vilna (en yiddish: דער װילנער גאון, en polaco: Gaon z Wilna, en lituano: Vilniaus Gaonas) ou Elijah de Vilna, ou plo seu acrónimo hebreo HaGra (HaGaon Rabbenu Eliyahu) ou Elijah Ben Solomon, nado en Sialiec o 23 de abril de 1720 e finado en Vilnius o 9 de outubro de 1797, foi un talmudista, halakhista, cabalistae principal líder do xudaísmo misnágdico (non hasídico) dos últimos séculos.
En hebreo refírese habitualmente como ha-Gaon he-Chasid mi-Vilna, "o piadoso xenio de Vilnius".
Nome orixinal | (he) אליהו בן שלמה זלמן |
---|---|
Biografía | |
Nacemento | 23 de abril de 1720 Sialiec (en) |
Morte | 9 de outubro de 1797 (77 anos) Vilnius |
Lugar de sepultura | Vilnius |
Datos persoais | |
Outros nomes | הגר״א |
País de nacionalidade | República das Dúas Nacións Imperio Ruso |
Relixión | Xudaísmo ortodoxo |
Actividade | |
Campo de traballo | Filosofía |
Ocupación | rabino , Posek (pt) |
Alumnos | Chaim of Volozhin (en) |
Lingua | Lingua hebrea |
Familia | |
Irmáns | Abraham, brother of the Gra (en) |
Mediante as súas anotacións e emendas do Talmude e outros textos, converteuse nunha das figuras máis familiares e influentes dos estudos rabínicos dende a Idade Media, considerado por moitos entre os sabios como Acharonim, e cualificado por algúns mesmo como o máis reverencial Rishonim. Grandes grupos, incluídos moitos yeshivas, conservan o conxunto de costumes e ritos xudeus (minhag), o "minhag ha-Gra", que recibe o seu nome, e que tamén se considerado o principal minhag asquenací de Xerusalén.
Nado en Sielec no voivodato de Brest Litovsk, o Gaon demostrou un talento extraordinario cando era neno. Aos vinte anos, os rabinos enviábanlle os problemas máis difíciles da Halakha. Foi un autor prolífico, escribindo obras como glosas ao Talmund babilónico e Shulchan Aruch coñecido como Bi'urei ha-Gra ("Elaboracións do Gra"), un comentario sobre o Mishnah, Shenoth Eliyahu ("Os Anos de Elijah"), e opinións sobre a Torah tituladas Adereth Eliyahu ("O Manto de Elijah"), publicado polo seu fillo. Varios traballos cabalísticos teñen comentarios co seu nome, e escribiu comentarios sobre o Libro dos Proverbios e outros libros do Tanakh nos últimos anos da súa vida. Non se publicou ningún dos seus manuscritos durante a súa vida.
Cando o hasidismo se fixo influencia na súa vila natal, o Gaon de Vilna uniuse aos "opositores" ou misnagdimo, rabinos e xefes das comunidades polacas, para frear a influencia hasídica. En 1777 lanzouse en Vilnius unha das primeiras excomuñóns contra o nacente movemento hasídico.
Animou os seus alumnos a que estudasen ciencias naturais, e mesmo traduciu libros de xeometría ao yiddish e ao hebreo.
This article uses material from the Wikipedia Galego article Gaon de Vilna, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.