O escudo do Nepal foi adoptada o 30 de decembro de 2006 con motivo do período de reconciliación iniciado co fin da Guerra Civil Nepalesa.
Na parte superior do escudo aparece a bandeira do Nepal, situada sobre unha representación do Monte Everest que está precedida duns outeiros verdes, símbolo das rexións montañosas do país e dunha silueta branca coa forma do Nepal. Baixo a silueta do país aparecen, collidos da man, un brazo masculino e outro feminino simbolizando a igualdade de xénero.
Os elementos do escudo mencionados aparecen rodeados por unha grilanda feita con flores e follas de rododendro (esta flor é un dos símbolos nacionais).
Na parte inferior do escudo aparece representada de cor amarela ou dourada a fertilidade da rexión de Terai, unha coroa de loureiro trazada esquematicamente e unha cinta de cor vermella na que aparece escrito en sánscrito o lema nacional: जननी जन्मभूमिश्च स्वर्गादपी गरीयसी (jananī janmabhūmiśca svargādapi garīyasī) que significa "A nai e a patria son máis grandes que o Reino dos Ceos" (Svarga).
This article uses material from the Wikipedia Galego article Escudo do Nepal, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.