Branca Trigo Cabaleiro: Escritora galega

Estudou no CEP Santa Tegra de Vigo e graduouse en Ciencias da Linguaxe e Estudos Literarios na Universidade de Vigo. Canda Alfredo Vázquez, codirixe a editorial Malafera.

En 2009 gañou o Premio Literario Escolar Caixanova na categoría de terceiro ciclo de primaria polo traballo Sara y Saray. Conseguiu o terceiro posto no Premio de Poesía Manuel Leiras Pulpeiro en 2019 coa obra O heroe de vidro. En 2021 gañou o Premio de relato, poesía e tradución da Universidade de Vigo na modalidade de poesía.

Publicou o seu libro Coñecemento do Medo en 2021 en Edicións Malafera. O seu segundo poemario, Condolore, viu a luz no ano 2022 da man da editora Urutau. Organiza xunto con outres autores o micro aberto Cerimonia de gaivotas e participou en diversas publicacións colectivas coma o volume A lingua en futuro: a mocidade imaxina o 2050 (Catroventos, 2023), a Antoloxía biosbarda para Parche (ruín alteredicións, 2023) e a antoloxía LGBTQIA Alguén nos lembrará (Xerais, 2023).

• La cosa negra que pasó por mi ventana (Lóguez ediciones, 2007). ISBN 978-84-96646-10-0
• Sagrado corazón de Бáба Ягá, fanzine (Malafera, 2021)
• Coñecemento do medo (Malafera, 2021). ISBN 978-84-09-28815-1

• Con do lore (Editorial Urutau, 2022). ISBN 978-65-5900-384-6
• Ω , fanzine (Malafera, 2023)
• O ser e o nervio, fanzine (Malafera, 2023)
• trans0 (Malafera, 2024). ISBN 978-84-12-79871-5

Obras colectivas

• Alguén nos lembrará. Antoloxía de relatos LGBTIQA+ (Xerais, 2023). ISBN 9788411103589
• Antoloxía biosbarda para Parche (ruín alteredicións, 2023)
• A lingua en futuro: a mocidade imaxina o 2050 (Catroventos, 2023)