Ángel del Castillo López, nado na Coruña o 24 de xaneiro de 1886 e finado na mesma cidade o 14 de marzo de 1961, foi un historiador e arqueólogo galego, cronista oficial da Coruña.
Foi membro de varias academias, fundacións e institucións culturais de diversa índole.
Biografía | |
---|---|
Nacemento | 24 de xaneiro de 1886 A Coruña, España |
Morte | 14 de marzo de 1961 (75 anos) Circunscrición electoral da Coruña, España |
Gobernador civil de Pontevedra | |
Datos persoais | |
País de nacionalidade | España |
Educación | Universidade de Santiago de Compostela |
Actividade | |
Campo de traballo | Estudo da historia da arte e arqueoloxía |
Ocupación | escritor , historiador da arte , arquitecto |
Membro de | |
Lingua | Lingua castelá e lingua galega |
Familia | |
Cónxuxe | Obdulia García Cerdido |
Fillos | seis |
Foi un erudito de tardía formación, pois non puido iniciar a formación universitaria até cumpridos os corenta anos. Gran parte da súa vida estivo adicada á docencia, exercéndoa na Escola de Comercio, academias particulares e a Universidade de Santiago de Compostela. En 1905 foi elixido membro adxunto da Real Academia Galega, integrándose coma membro numerario en 1927. En 1924 entrou a formar parte do Seminario de Estudos Galegos.
Militante de Acción Republicana, na República foi nomeado gobernador civil de Pontevedra o 22 de maio de 1932, permanecendo no cargo ata o 14 de setembro de 1933.
A súa achega á defensa, clasificación e preservación do patrimonio artístico galego é de grande importancia, destacando a súa obra Inventario de la riqueza monumental y artística de Galicia (Editorial de los Bibliófilos Gallegos 1972, reeditado en 1987 e en 2008), con introdución e bibliografía de José Filgueira Valverde.
Ademais, escribiu unha novela curta A Dona das Torres, Lénda Galega,[sic] de 21 páxinas, publicada o 22 de agosto de 1925 no número 12 da revista Lar. Trátase dunha lenda ambientada no século XV, con notas históricas e documentais que aumentan o atractivo da narración, transformándoa nun relato pseudohistórico.
Desde 1946 foi o cronista oficial da cidade da Coruña e desde 1951 tamén da provincia homónima.
Predecesor: César Vaamonde Lores | Cronista Oficial da Coruña 1942 - 1961 | Sucesor: Juan Naya Pérez |
Foi nomeado Cabaleiro da Lexión de Honra polo goberno francés en 1934.
Wiki Commons ten máis contidos multimedia na categoría: Ángel del Castillo |
This article uses material from the Wikipedia Galego article Ángel del Castillo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.