Sisseton En Wahpeton Sû Stamme
De Sisseton en Wahpeton Sû Stamme (Ingelsk: Sisston and Wahpeton Sioux Tribe; Eastlik Dakota: Sisíthuŋwaŋ-Waȟpéthuŋwaŋ Oyáte; útspr.: ) is in federaal erkende Yndiaanske stamme-organisaasje yn 'e Feriene Steaten, mei in eigen reservaat yn 'e steat Súd-Dakota, dat justjes útstekt oer de grins fan Noard-Dakota.
| Sisseton en Wahpeton Sû Stamme | ||
| Ingelsk | Sisseton and Wahpeton Sû Tribe | |
| lânseigen | Sisíthuŋwaŋ-Waȟpéthuŋwaŋ Oyáte | |
| flagge | ||
 | ||
| algemiene ynformaasje | ||
| lân |  Feriene Steaten | |
| steat |  Súd-Dakota Noard-Dakota | |
| haadkertier | Sisseton (Súd-Dakota) | |
| etnisiteit | Eastlike Dakota | |
| ledetal | 12.000 (2013) | |
| oprjochting | 1867 | |
| status | federale erkenning | |
| erkenning | Feriene Steaten | |
| reservaat | ||
| reservaat | Lake Traverse Yndianereservaat | |
| lokaasje | noardeastlik Súd-Dakota, súdeastlik Noard-Dakota | |
| oerflak | 3.754,6 km² | |
| ynwennertal | 9.900 (2004) | |
| offisjele webside | ||
| www.swo-nsn.gov | ||
| kaart | ||
  Lokaasje fan it haadkertier fan 'e stamme yn Súd-Dakota. | ||
Algemien
De organisaasje, dy't oprjochte waard yn 1867, hat 12.000 leden, en it haadkertier is fêstige yn Sisseton, yn Súd-Dakota. De leden besteane út etnyske Sû (Sioux), allegearre Eastlike Dakota fan 'e Sisseton- en Wahpeton-stammen. De Sisseton en Wahpeton Sû Stamme foarmet mei tsien oare Sû-organisaasjes de Feriene Sû Stammen.
Reservaat
It reservaat fan 'e Sisseton en Wahpeton Sû Stamme is it taartpuntfoarmige Lake Traverse Yndianereservaat (Lake Traverse Indian Reservation) fan noardeastlik Súd-Dakota en súdeastlik Noard-Dakota, dat in oerflak hat fan goed 3.750 km², en dêr't yn 2004 likernôch 9.900 minsken wennen. It reservaatbestjoer is fêstige yn Agency Village, in pear km besuden de stêd Sisseton. It reservaat waard stifte yn 1867, doe't de Eastlike Dakota as gefolch fan 'e blanke kolonisaasjedruk en by wize fan repressaillemaatregel fanwegen de bloedige Dakota-Oarloch fan 1862 út harren foarâlderlike thúslân yn Minnesota ferdreaun waarden.
Keppelings om utens
| Boarnen, noaten en/as referinsjes: |
| Foar boarnen en oare literatuer, sjoch ûnder: Notes, op dizze side. |
This article uses material from the Wikipedia Frysk article Sisseton en Wahpeton Sû Stamme, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.