Moarden Fan Dokkum
De Moarden fan Dokkum wienen op 22 jannewaris 1945 in Dútse ferjildingsaksje.
_04.jpg)
Op freed 19 jannewaris 1945 waarden trije fersetslju, wylst se troch de Sicherheitsdienst nei Ljouwert transportearre waarden, befrijd troch it Ferset. Ien fan harren, de Dokkummer apteker Piet Gunster, wie in wichtich man yn it Dokkummer ferset, dat omdat er finzen nommen wie, wienen der in protte minsken yn gefaar. Neist Gunster sieten Jan Formsma en Rienk Hacquebord yn de auto dy't tagelyk mei him finzen nommen wiene, mar net direkt yn it ferset behelle wienen. Op de Falom waard de brêge iepenset om de auto fan de Sicherheitsdienst stopje te litten, en doe't dat slagge, waard dy oerfallen. By de aksje rekke ien Dútser om hals, en net folle letter ferstoar in twadden. Gunster rekke ferwûne oan in skonk, mar koe ûntkomme. Formsma en Hacquebord bleaunen yn de auto efter om sadwaande sjen te litten dat se gjin skuld oan 'e oanslach hienen; beide waarden letter frijlitten
As ferjilding waarden op moandei 22 jannewaris tsien finzenen út Ljouwert helle, en nochris tsien út Grins. Dy hienen neat mei dy oerfal te krijen, mar se waarden meinommen om in boadskip dúdlik te meitsjen. De tweintich manlju waarden nei Dokkum brocht, en dêr oan de súdkant fan 'e stêd, oan de Wâldwei, yn ploechjes fan fiif fusilearre. SS-Hauptsturmführer Artur Albrecht hie de lieding oer de fusillade. Elts ploechje moast earst de liken fan de eardere groep rjochtlizze, en dan waarden se sels deasketten. De liken bleaunen in etmel lizzen om it boadskip noch better oerkomme te litten.
Anno 2005 wurde de Moarden fan Dokkum noch hieltiid alle jierren betocht op 22 jannewaris.
De slachtoffers
- Adler, David - Hongarije (Banyhád), keapman, wenne yn Amsterdam, 59 jier
- Blauw, Harm - Amsterdam, opsichter, wenne yn Grins, 27 jier
- Boersema, Hendrik – Antwerpen, gemeenteamtner, wenne yn Stedem, 41 jier
- Bukers, Jan – berne yn Ljouwert, fertsjintwurdiger, wenne yn Grins, 41 jaar
- Dijken, Jan van – Appingedam, direkteur postkantoar, wenne yn Dokkum, 41 jier
- Duursma, Jan, berne en wenne yn Marum, brânwarman, 41 jier
- Frensdorf, Arnold, Dútslân (Frankfurt am Main), keapman yn Amsterdam, 63 jier
- Gelder, Herman van – berne en wenjend yn Grins, slachter, 33 jier
- Heijdenrijk, Aris - út Rotterdam, kelner, wenjend yn Ljouwert, 36 jier
- Hulshoff, Louwrens – berne en wenjend yn Dokkum, bankmeiwurker, 24 jier
- Krohne, Heinrich - berne yn Grins, boufakker, Grins, 41 jier
- Krolis, Hinne – berne yn Nijlân, gemeenteamtner, Ljouwert, 51 jier
- Lommert, Hendrik – berne yn Grins, tekener, út Grins, 21 jier
- Meinsma, Ernst – berne en wenjend Nes (Dongeradiel), lânbouwer, 55 jier
- Moorman, Wilhelmus – berne yn Dimter, kantoarklerk yn Didam, 19 jier
- Postma, Geale – berne en wenjend yn Driesum, boere-arbeider, 23 jaar
- Ruinen, Jarl – berne yn Nederlânsk-Ynje (Kota Radja), hûsdokter, wenjend yn Ie, 38 jier
- Sachs, Abraham – berne yn Wynskoat, keapman, wenne yn Amsterdam, 55 jier
- Walters, Freerk – berne en wenjend yn Oude-Pekela, polysje yn Oude Pekela, 19 jier
- Woldringh, Hendrik – berne yn Zuidwolde, belêstingamtner, wenjend yn Grins, 60 jier
Keppeling om utens
Sjoch ek
| Boarnen, noaten en/as referinsjes: |
This article uses material from the Wikipedia Frysk article Moarden fan Dokkum, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.