De Golf fan Bonny of Baai fan Biafra is in baai foar de Afrikaanske kust yn it easten fan de Golf fan Guinee, in part fan de Atlantyske Oseaan.
De golf rint fan de Nigerdelta yn Nigeria oant Kaap Lopez yn Gabon yn it súdeasten.
De namme fan de golf waard yn 1972, nei de Biafra-oarloch feroare fan Bocht fan Biafra yn Bocht fan Bonny. De reden dêrfoar wie dat it Nigeriaansk regear nei dy kriich alle geografyske nammen dy't tinken diene oan Biafra, dat selsstannich wurde woe, fuorthawwe woe. De namme 'Bonny' komt fan de havenstêd mei deselde namme yn it easten fan de Nigerdelta.
De grutste rivieren dy't yn de golf útmûnje binne de Niger, de Sanaga en de Ogooué. De eilannen Bioko, Corisco en Prinsyp lizze yn of oan de golf.
This article uses material from the Wikipedia Frysk article Golf fan Bonny, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.