Ruhrgebiet
It Ruhrgebiet is in stêdekloft yn it westen fan Dútslân.
Meiïnoar wenje der sa'n 5,3 miljoen minsken.
De wichtichste stêden fan de stêdekloft binne Bochum, Bottrop, Dortmund, Duisburg, Essen, Gelsenkirchen, Hagen, Hamm, Herne, Mülheim an der Ruhr en Oberhausen. Dy stêden en de gemeenten (Kreisen) Recklinghausen, Unna, Wesel en Ennepe-Ruhr-Kreis arbeidzje bestjoerlik mei elkoar op yn it Regionalverband Ruhr (RVR). De Wikipedyside oer it Ruhrgebiet beheint him dan ek allinich mar ta dat gebiet.
Skiednis
De stêden ûntstienen foar it meastepart yn de lette midsiuwen, de stêdekloft ûntstie yn de tiid fan de Yndustriële Revolúsje. Yn it earstoan wienen it de stienkoalminen en stielyndustry dy't it gebiet stal joegen, hjoed de dei stean dêr mânske fabriken en der is in grutte gemyske yndustry. Yn Nazi-Dútslân wienen Sileezje en it Ruhrgebiet wichtige yndustryplakken dy't in wichtige rol spile hawwe yn de Dútske oarlochsyndustry.
Underrjocht
Der binne seis universiteiten en njoggen hegeskoallen mei likernôch 180.000 studinten (skoaljier 2001/02) en der binne sawol technyske as wittenskiplike ynstitúsjes en akademy's. Sadwaande is it Ruhrgebiet ien fan de wichtichste plakken yn Jeropa as it giet om ûndersyk en ûnderwiis, benammen yngenieur- en natoerwittenskippen krije der in soad omtinken.
Sport
De grutste fuotbalploegen binne Borussia Dortmund, MSV Duisburg, VfL Bochum en FC Schalke 04.
This article uses material from the Wikipedia Frysk article Ruhrgebiet, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.