In flaggeskip is binnen in float it marineskip dêr't de befelfierend ofsier fan dy float op meifart.
Yn 'e Twadde Ingelske Oarloch (1665-1667) en de Trêde Ingelske Oarloch (1672-1674) wie it flaggeskip fan 'e seemacht fan 'e Republyk fan 'e Feriene Nederlannen bgl. de De Zeven Provinciën, om't op dat skip admiraal Michiel de Ruyter meifear. De term 'flaggeskip' komt fan it feit dat sa'n skip yn it ferline it rjocht hie de kommandoflagge te fieren. It waard foarhinne ek wol it admiraalsskip neamd, om't de befelhawwer fan in float faak in admiraal is. Mei't in marine út ferskate floaten bestean kin, is it sadwaande ek mooglik dat ien marine ferskate flaggeskippen omfiemet. De term 'flaggeskip' wurdt ek wol brûkt yn 'e keapfardij, en ferwiist dan nei it meast toanoanjaande skip fan in rederij of in konfoai. Yn 'e oerdrachtlike sin kin mei 'flaggeskip' fierders it meast toanoanjaande ûnderdiel of produkt fan in organisaasje of bedriuw oantsjut wurde.
Boarnen, noaten en/as referinsjes: | ||
Foar boarnen en oare literatuer, sjoch ûnder: References, op dizze side.
|
This article uses material from the Wikipedia Frysk article Flaggeskip, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.