1667: Jier

Kalinders
Gregoriaanske kalinder	1667 MDCLXVII
Ab urbe condita	2420
Armeenske kalinder	1116 ԹՎ ՌՃԺԶ
Etiopyske kalinder	1659 – 1660
Hebriuwske kalinder	5427 – 5428
Hindoekalinders
- Vikram Samvat	1722 – 1723
- Shaka Samvat	1589 – 1590
- Kali Yuga	4768 – 4769
Iraanske kalinder	1045 – 1046
Islamityske kalinder	1078 – 1078
Juliaanske kalinder	Gregoriaansk min 10 dgn.
Sineeske kalinder	4363 – 4364 癸午 – 甲未

1667 is in gewoan jier dat begjint mei in sneon. (Gregoriaanske kalinder foar 1667.)

• jannewaris-july - Yn 'e Twadde Ingelske Oarloch tusken de Republyk fan de Feriene Nederlannen en Ingelân wurdt de Ingelske súdeastkust blokkearre. Essequebo, Suriname en Tobago wurde troch de WIC werovere op 'e Ingelsen.
• 6 april - De stêd Dubrovnik (Ragûsa) en omkriten wurde troffen troch de swiere ierdbeving fan Dubrovnik. Yn 'e mande mei de oanhâldende ekonomyske krisis yn it Middellânske-Seegebiet foarmet dit barren it begjin fan 'e ein foar de Republyk Ragûsa.
• 8 maaie - Kening Loadewyk XIV fan Frankryk falt de Spaanske Nederlannen binnen. Dit is it begjin fan 'e Devolúsjeoarloch tusken Frankryk en Spanje.
• ein maaie - By Dendermonde is Loadewyk XIV fan Frankryk twongen him fanwege oerstreamings werom te lûken.
• 12 juny - Jean Baptiste Denis en Paul Emmeretz fiere de earste bloedtransfúzje by in minske út. Se brûke dêrfoar bloed fan in laam.
• 16 juny - Troch de Steaten-Generaal fan 'e Republyk fan 'e Feriene Nederlannen wurdt oktroai ferliend oan Christiaan Huygens foar it troch him útfûne slingeroerwurk.
• 17 juny - De Steatske float ûnder Michiel de Ruyter fiert yn it ramt fan 'e Twadde Ingelske Oarloch de Tocht nei Chatham út troch de Medway op te silen. Dêrby wurde fiif Ingelske oarlochsskippen ferbaarnd en it Ingelske flaggeskip mei weromsleept nei de Republyk.
• 6 july - Dowaai falt yn 'e hannen fan Loadewyk XIV fan Frankryk.
• 31 july - De Frede fan Breda wurdt sletten tusken Ingelân en de Republyk fan 'e Feriene Nederlannen om in ein te meitsjen oan 'e Twadde Ingelske Oarloch.
• 5 augustus - Ingelân ratifisearret de Frede fan Breda. Under de betingsten fan dat ferdrach behâlde de Ingelsen Nij-Amsterdam (dat omneamd wurdt ta New York), mar jouwe se de folle wichtigere eilannen Sint-Eustatius en Saba werom. Fierders kriget de Republyk Suriname yn besit en ek Kormantyn, in fort yn West-Afrika. It Ferdrach fan Breda ferrommet fierders de Akte fan Navigaasje en Ingelân moat syn oanspraken op Pulau Run yn de Banda eilannen op. It ferdrach is in grutte oerwinning foar de Republyk en benammen foar riedpinsjonaris Johan de Witt.
• 26 septimber - In Siuwske ekspedysje mei sân skippen feroveret it Ingelske fort Paramaribo yn it sûkerrike Suriname.
• sûnder datum - Kening Loadewyk XIV fan Frankryk ferskerpet de tariven tsjin 'e Steatske hannel.

• 30 novimber - Jonathan Swift, Iersk skriuwer († 1745)

• 29 jannewaris - Jan Oostervelt, Frysk sulversmid (* 1583). (datum beïerdiging)
• 18 juny - Louise Henriëtte fan Oranje-Nassau, hartoginne-gemalinne fan Brandenburch (* 1627)

poëzij

• John Milton, Paradise Lost (oerset yn it Frysk as It Paradys Ferlern)

Boarnen, noaten en/as referinsjes:

Commons    Ofbylden dy't by dit ûnderwerp hearre, binne te finen yn de kategory 1667 fan Wiki Commons.