Fort
In fort (fan it Latynske fortis, sterk) is in militêr bouwurk of kampemint dat ynrjochte is om in garnizoen te herbergjen en sa makke is dat it gaadlik is om te ferdigenjen tsjin oanfallen troch de fijân.
In fort is ornaris foarsjoen fan muorren, in palissade, wallen, greften en/of tuorren. It is by definysje in selsstannige, slettene en oan alle kanten ferdigenbere militêr fêsting. Ien fort kin ek bestean út ferskate, mei-inoar ferbûne fersterkings, lykas bunkers of kazematten. It ferneamde Belgyske Fort Eben-Emael, by Luik, is bygelyks opboud út santjin ûnderling ferbûne fortifikaasjes. Forten kinne ek yn in ring om in stêd hinne oanlein wêze; yn sokke gefallen sprekt men faak fan in 'gurdle' of in 'stelling'. Foarbylden binne de Stelling fan Amsterdam, de Stelling fan Antwerpen en de Fortegurdle fan Luik.
Bekende forten en skânsen yn Nederlân
- Stelling fan Amsterdam (hat 42 forten)
- Stelling De Helder
- Bourtange
- Nijeskâns
- Fort Pannerden
- Fort by Rijnauwen (diel fan NHW)
- Fort by Vechten (diel fan de Nije Hollânske Wetterliny (NHW))
- Swartedyksterskâns
- Wierickerskâns
- Fort Rammekens
| Boarnen, noaten en/as referinsjes: |
| Foar boarnen en oare literatuer, sjoch: dizze side. |
This article uses material from the Wikipedia Frysk article Fort, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.