Begrutting
In begrutting, of mei in lienwurd út it Ingelsk in budget (útspr.: , budzjet), is in berekkening dy't de finansjele effekten fan in beslissing werjout.
Begruttings wurde brûkt by eltse organisaasje dy't mei ynkomsten en útjeften te krijen hat, lykas bedriuwen, oerheidsynstellings, ferienings en stiftings. Ek de oerheid fan in lân makket in begrutting, dy't yn 'e Nederlânske kontekst bekend stiet as de Ryksbegrutting, en presintearre wurdt op Prinskesdei.
In begrutting kin makke wurde foar in boekjier, mar ek foar in spesifyk projekt. It is in iterative ôfstimming tusken winsken en mooglikheden. Sa'n ôfstimming wurdt beynfloede troch ferskate faktoaren:
- de histoaryske finansjele gegevens oer ferskate jierren;
- de finansjele doelen
- de wetjouwing;
- de merkomstannichheden;
- eventuële wizigings yn it bedriuwsbelied.
Per perioade fan in boekjier wurde de finansjele resultaten en ferwachtings opsteld. De begrutting wurdt faak foar goedkarring foarlein oan belanghawwenden. Periodyk wurde de resultaten ferlike mei de begrutting. As de begrutting net helle driget te wurden, moat der yngrepen wurde om it ûntstean fan in begruttingstekoart foar te kommen. As de begrutting lykwols te rom is, sil der in begruttingsoerskot ûntstean. Oan 'e ein fan it boekjier wurdt in jierrekken opsteld, wêryn't ôfwikings tusken begrutting en resultaten analysearre wurde.
| Boarnen, noaten en/as referinsjes: |
| Foar boarnen en oare literatuer, sjoch ûnder: References, op dizze side. |
This article uses material from the Wikipedia Frysk article Begrutting, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.