Stêd Balch
Balch (Afgaansk: بلخ; ek wol as Balkh), ek bekend as Wazirabad, is in stedsje yn de provinsje Balch yn it noarden fan Afganistan.
It leit sa'n 20 km fan provinsjehaadstêd Mazar-e-Sharif. Balch leit goed 12 km fan de rjochter ouwer fan de rivier (feitlik wady) Balch.
| Balch بلخ | ||
 | ||
| Griene moskee fan Balch | ||
| Polityk | ||
| Lân | .svg){kind=small} Afganistan | |
| Provinsje | Balch | |
| Distrikt | Balch | |
| Sifers | ||
| Ynwennertal | 11.300 (2003) | |
| Hichte | 365 m | |
| Oar | ||
| Tiidsône | UTC+4.30 | |
| Koördinaten | ||
Ut de skiednis
Balch is ien fan meast âlde stêden fan de wrâld en der wurdt tocht dat it de earste stêd is dêr't de Yndo-Iraanske stammen út it noarden fan Amu Darya hinne lutsen; dat hat tusken 2000 - 1500 f.Kr. west. De Arabieren neamden de stêd Umm Al-Belaad of Mem fan Stêden út reden fan har âldens. Balch wie fanâlds in sintrum fan it zoroastrisme. It is de hjitting dat de stifter dêrfan, de profeet Zoroaster, yn de stêd stoarn is.
Hoewol't Balch yn distiid mar lyts is en foar in grut part in ruïne, wie it yn de âldheid grutter en fan belang troch de lizzing op de siderûte. De stêd stie yn de âldheid bekend as Bactra en wie de haadstêd fan it lân Baktrje en ien fan de wichtichste yn Korasan. Marko Polo beskreau Balch as in "hearlike en prachtige stêd".
Yn 328 f.Kr. waard de stêd troch Aleksander de Grutte oermastere. Yn 256 f.Kr. waard it in selsstannich hellenistysk ryk.
Dzjengis Khan ferovere en ferneatige de stêd yn 1221. Ek Timoer Lenk besette de stêd yn de 14e iuw.
It Balch fan no
Yn 1934 waard úteinset mei it by de tiid bringen fan de stêd. Der waarden acht nije strjitten oanlein, nije wenten en bazaars boud. It moderne Balkh is in sintrum fan katoenyndustry, de produksje fan laamslear en it ferbouwen fan meloenen en amandels.
Keppelings om utens
- Mazar-i-Sharif (Balkh) (dú)
- Balch ferkenne mei Google Earth op Global Heritage Network
| Boarnen, noaten en/as referinsjes: |
 | Ofbylden dy't by dit ûnderwerp hearre, binne te finen yn de kategory Balkh fan Wiki Commons. |
This article uses material from the Wikipedia Frysk article Balch (stêd), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.