Unôfhinklike Film
In ûnôfhinklike film, ek wol bekend ûnder de Ingelske term indie of indiefilm (koart foar independent film), is in spylfilm of koarte film dy't produsearre is sûnder de stipe fan in grutte filmstudio.
Sokke films binne faak lowbudgetfilms of geane oer in kontroversjeel ûnderwerp. Tanimmende kreätiviteit en foarútgong yn 'e beskikbere technology hawwe derfoar soarge dat de merk foar ûnôfhinklike films fan 'e ein fan 'e tweintichste iuw ôf sterk yn profesjonaliteit en populariteit groeid is.
Unôfhinklike films kinne yn prinsipe ta elts sjenre hearre. Se wurde ornaris karakterisearre troch in beheinde publikaasje en lytse of hielendal gjin marketingkampanje. Makkers fan ûnôfhinklike films besykje harren produkten faak fertoand te krijen op filmfestivals, mei't se dêr in breed publyk berikke kinne sûnder dêrfoar folle jild kwyt te wêzen. Guon filmfestivals lizze har útslutend ta op ûnôfhinklike films, lykas it Sundance Film Festival, yn 'e Feriene Steaten, dat it grutste festival foar ûnôfhinklike films yn 'e wrâld is.
| Boarnen, noaten en/as referinsjes: |
| Foar boarnen en oare literatuer, sjoch ûnder: References en Further reading, op dizze side. |
This article uses material from the Wikipedia Frysk article Unôfhinklike film, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.