Padue
Padue (Padoa tal dialet venit) e je une citât di 211.560 abitants, cjâflûc de provincie omonime, situade in te regjon dal Venit.
| Padue | |
 | |
| Non uficiâl: | Padova |
|---|---|
| Provincie/Citât metropolitane: | Padue |
| Regjon: | Venit |
| Altitudin: | 12 m s.n.m |
| Superficie: | 93,03 km² |
| Abitants: | 211.560 (30-6-2016) ab. |
| Densitât: | 2.274 ab./km² |
| Comuns confinants: | Abano Terme, Albignasego, Cadoneghe, Legnaro, Limena, Noventa Padovana, Ponte San Nicolò, Rubano, Saonara, Selvazzano Dentro, Vigodarzere, Vigonovo (VE), Vigonza, Villafranca Padovana |
| CAP: | 35100 |
| Prefìs telefonic: | 049 |
| Sît istituzionâl | |
A Padue si cjate une des Universitâts plui prestigjosis de Italie, e al è un impuartant centri economic.
Storie
Seont la tradizion, la citât di Padue e fo fondade tal 1183 p.d.C. di un grup di Venits, cu lis rivis dal flum Brente. Vuê e je stade confermade la presince di reperts di chest periodi storic.
Vie pe etât Romane, Patavium e jere une des citâts plui ricjis dal Imperi, e simpri leade economichementri e militarmentri ae capitâl.
La Alte Ete di Mieç e fo par Padue une vore devastant: de invasion dai Uns di Atile, avignude prime de fin dal Imperi (452-453), ai Langobarts (601), fin ae prese dai Ungars dal 899.
_-_Facade.jpg)
Dome daspò dal an 1000 inizià la ricostruzion; la sô Universitât e fo fondade tal 1222, la seconde plui antighe de Italie. E fo ancje il lûc di predicazion di Sant Antoni fin tal 1231, an de so muart. Par ricuardâlu, i Padoans a tiarin sù une Basiliche, vuê une des plui visitadis.
Tal cjamp militâr, Padue e cirì di espandisi, al dispiet di diviersis incendiis e devastazions, fin tal XIV Secul. Il 1405, difat, al fo l'an de definitive sumission a Vignesie dopo di une lungje lote.
Cul Tratât di Cjampfuarmit, dal 1797, Padue e dut il Venit a pasarin sot de egjemonie dal Imperi Austri-Ongjarês. La tornade al Ream di Italie e avignì dome tal 1866, a seguiti di un plebissît.
Lûcs di interès
- Basiliche di Sant Antoni, sigurementri il monument plui impuartant de citât, e une des glesiis plui grandis e visitadis tal mont.
- Basiliche di Sante Gjiustine, sede di elaborazion d riforme benedetine dal XV secul, e une des plui impuartantis abaziis benedetinis.
- Prât de la Valade
- Capele dai Scrovegni, decorade cun frescs di Giotto
Origjin dal non
La etimologjie dal non no je sigure, ma al è evident che le citât al a cjapât il non dal flum Po (Padus) Ancje la presince de palût Patine, dongje de citât, a çampe dal flum Brente.
Viôt ancje
- Basiliche di Sant Antoni di Padue
Leams
- (talian) Sît ufiziâl dal comun
This article uses material from the Wikipedia Furlan article Padue, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contignût al è disponibil sot de licence CC BY-SA 4.0 se nol è specificât in altre maniere Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Furlan (DUHOCTRUNGQUOC.VN) is an independent company and has no affiliation with Wiki Foundation.