Wat

Un wat al corispuint a 1 joule al secont (1 J/s) o, in unitâts eletrichis, 1 voltampere (1 V · A).

${\displaystyle 1\ \mathrm {W} =1\ {\dfrac {\mathrm {J} }{\mathrm {s} }}=1\ {\dfrac {\mathrm {kg} \cdot \mathrm {m^{2}} }{\mathrm {s^{3}} }}=1{\dfrac {\mathrm {N\cdot m} }{\mathrm {s} }}}$ 

In tiermits eletrichis al significhe:

${\displaystyle 1\mathrm {W} =1\mathrm {V} \cdot 1\mathrm {A} }$ 

Il wat al cjape il non da James Watt par il sô contribût tal disvilup de machine a vapôr: e e fo adotât par la prime volte tal 1889 al secont Congrès Britanic dal Avanzament de Sience. Al è jentrât tal SI cun la decime prime Conference Internazionâl des pesis e misuris, tal 1960.

Il wat, misure di potence, nol à di jessi confondût cul watore ch'al è une misure di energjie. Cheste ultime e corispuint a 3600 joule, no aparten al SI, parcè che conten la misure dal timp in oris, e e je par ordenari utilizade par la tarifazion de energjie stesse.

Partant, une lampadine che e supe 100 W in dôs oris e consume 200 Wh (720 000 J).

In eletrotecniche si doprin par ordenari ancje il VA (voltampere) e il VAR (voltampere reatîf) come unitâts di misure rispetivementri de potence aparente e de potence reative. Chestis dôs unitâts a corispuindin al watt, ma il lôr ûs al è justificât dal fat che a indichin grandecis che no puedin jessi somadis diretementri.

Uns dai multiplis e sotmultiplis dal wat plui utilizâts:

• miliwat (mW) = 0,001 W
• chilowat (kW) = 1.000 W
• megawat (MW) = 1.000.000 W
• gjigawat (GW) = 1.000.000.000 W
• terawat (TW) = 1.000.000.000.000 W