Sisteme Internazionâl Di Unitâts
Il Sisteme Internazionâl di Unitâts, scurtât in SI (dal francês Système International d'Unités) al il sisteme di unitâts plui doprât, soredut inte sience, e e je la evoluzion dal sisteme metric decimâl.
Lis unitâts base dal SI a son stadis stabilidis dal Bureau International des Poids et Mesures ("Ufizi Internazionâl dai Pês e Misuris"); a son 7, ben definidis, che, par convenzion, a son consideradis dimensionalmentri indipendentis:
- metri (m): lungjece
- chilogram (kg): masse
- Il chilogram e la masse dal prototip internazionâl dal chilogram, conservât a Paris.
- secont (s): timps
- Il secont e je la durade di 9.192.631.770 periodis de radiazion corispondent ae transizion tra i doi nivei iperfins dal stât fondamentâl dal atom di cesi 133.
- ampere (A): curint eletriche
- L'ampere e la intensitât di une curint costant che, tignût tra doi condutôrs paralêi, retiliniis e di lungjece infinide, di sezion circolât trascurabil e situâts intal vueit a une distance di un metri di un a chel altri, al produsarà tra chescj condutôrs une fuarce di 2·10–7 newtons par metri di lungjece.
- kelvin (K): temperadure termodinamiche
- Il kelvin al è 1/273,16 de temperadure termodinamiche dal pont tripli de aghe.
- mol (mol): cuantitât di materie
- Il mol al è la cuantitât di materie di un sisteme che al à tantis entitâts elementârs come i atoms presints in 0,012 kg di carboni 12.
- cjandele (cd): intensitât luminose
- La cjandele e je la intensitât luminose, intune direzion determinade, di une sorzint che emet un rai monocromatic di frecuence 540·1012 Hz e che à une intensitât energjetiche in cheste direzion di 1/683 wat par stereoradiant.
Partint di chestis unitâts base a si podin definî lis unitâts derivadis.
Prefìs
A son stâts definîts une serie di prefìs che si podin combinâ cun cualsisei unitât par formâ unitâts derivadis di doprâ par lavorâ plui facilmentri cun ordins di magnitudin superiôrs o inferiôrs.
| 10n | Prefìs | Simbul | Ecuivalent decimâl | ||
|---|---|---|---|---|---|
| 1024 | yotta | Y | 1 000 000 000 000 000 000 000 000 | ||
| 1021 | zetta | Z | 1 000 000 000 000 000 000 000 | ||
| 1018 | exa | E | 1 000 000 000 000 000 000 | ||
| 1015 | peta | P | 1 000 000 000 000 000 | ||
| 1012 | tera | T | 1 000 000 000 000 | ||
| 109 | giga | G | 1 000 000 000 | ||
| 106 | mega | M | 1 000 000 | ||
| 103 | kilo o chilo | k | 1 000 | ||
| 102 | etto | h | 100 | ||
| 10 | deca | da | 10 | ||
| 10−1 | deci | d | 0,1 | ||
| 10−2 | centi | c | 0,01 | ||
| 10−3 | milli | m | 0,001 | ||
| 10−6 | micro | µ | 0,000 001 | ||
| 10−9 | nano | n | 0,000 000 001 | ||
| 10−12 | pico | p | 0,000 000 000 001 | ||
| 10−15 | femto | f | 0,000 000 000 000 001 | ||
| 10−18 | atto | a | 0,000 000 000 000 000 001 | ||
| 10−21 | zepto | z | 0,000 000 000 000 000 000 001 | ||
| 10−24 | yocto | y | 0,000 000 000 000 000 000 000 001 | ||
Cjale ancje
- Unitâts derivadis dal SI
Leams esternis
- (inglês)(francês) Sît dal Bureau International des Poids et Mesures
- (inglês) Imprest pes conversions
This article uses material from the Wikipedia Furlan article Sisteme internazionâl di unitâts, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contignût al è disponibil sot de licence CC BY-SA 4.0 se nol è specificât in altre maniere Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Furlan (DUHOCTRUNGQUOC.VN) is an independent company and has no affiliation with Wiki Foundation.