Ternate ekialdeko Indonesiako uhartea da, Molukak uhartedikoa.
Administratiboki, Ipar Molukak probintziaren barnean dago. 111,39 kilometro koadroko eremua du, eta 2010ean 185.705 biztanle zituen. Hiri handiena Ternate da.
Ternate | |
---|---|
| |
Geografia | |
Kokapena | Hego-ekialdeko Asia |
Azalera | 111,39 km² |
Punturik garaiena | Gamalama |
Politika | |
Herrialdea | Indonesia |
Probintzia | Ipar Molukak |
Hiri populatuena | Ternate hiria |
Gizartea | |
Biztanleria | 185.705 (2010) |
Dentsitatea | 1.667 |
Ternate Molukak uhartediaren iparraldean dago, Halmaheraren mendebaldeko itsasertzetik gertu. Itsasotik azaleratutako sumendi bat da: Gamalama (1.715 m). 1775eko erupzioak 1300 lagun hil zituen. Azken erupzioak 2011 eta 2012an gertatu ziren. .
Ternateko Sultanerria, 1257an sortua, Indonesiako erresuma musulman zaharrena izan zen. XIII. eta XVII. mendeen artean, erresuma ahaltsua izan zen, bizigarrien merkataritza eta indar militarrari esker. Goren aldian, haren eragina Molukak, Sulawesi, hegoaldeko Filipinak eta Marshall Uharteetaraino iristen zen.
1512an iritsi ziren Ternatera lehen europarrak. Francisco Serrao buru zuen portugaldar espedizioaren kide batzuk izan ziren, Serametik gertu hondoratuak eta bertako bizilagunek salbatuak. Sultanak, portugaldarren nagusitasun militarra probes zezakeelakoan, espedizioa bere uhartera eraman zuen, eta baimena eman zien gotorleku bat eraikitzeko. 1526an, Garcia Jofre de Loaisa buru zuen espainiar espedizioak Tidoren gotorleku bat eraiki zuenean, portugaldarrek eraso egin zieten Ternatetik. 1575ean, sultanak portugaldarrak kanporatu zituen gotorlekutik. 1606an, indar espainiarrek hartu zuten gotorlekua, sultana Manilara erbesteratuz. 1607an, herbeheretarrek beste gotorleku bat eraiki zuten uhartean, Malayo izenekoa. 1663an, espainiarrak erretiratu ziren.
1999 eta 2000n, musulman eta kristauen arteko bortizkeria erlijiosoa jasan zuen.
Zur baliotsuak (teka, ebano), arroza, sagua, kafea, kopra, espeziak eta arrantza dira baliabide garrantzitsuenak.
This article uses material from the Wikipedia Euskara article Ternate (Indonesia), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.