Igerileku: Urez betetako lur-zuloa da, bertan igeri egin edo bainu bat hartzeko erabiltzen dena
Igerilekua urez betetako lur-zuloa da.
Orokorrean lurra zulatu eta gero, txukun uzteko, axuleiuak erabiltzen dira.
Antzinatik erabilitako eraikuntza da hau, eta horrezkero, munduan zehar, tradizio handia du bainu-eraikuntza bezala. Nabarmentzekoak dira termak, hainbat lekutan topa daitezkeenak, Batheko hiri ingelesean esaterako, hiriaren izena bertatik hartzen duelarik.
Gaur egun, dena den, igerilekuek nabarmen egin dute aurrera teknologiaren arloan, batez ere, uraren arazketaren kontuan. Garbitasuna mantentzeko kloroaren deribatuak erabiltzen dira. Horrez gain uraren pH-a kontrolatzen da eta sarritan uraren tenperatuta ere.
Halaber, igerileku-mota asko dago, finkoak, garraiagarriak eta desmuntagarriak besteak beste. Gainera material desberdinez eginiko igerilekuak ere badaude, honako hauek adibide gisa: poliesterra, hormigoia edo gogordura, mosaikoz estalia, etab.
Kirol-munduan hiru igerileku-mota handi bereizi ditzakegu: 50 metroko igerilekua edo igerileku olinpikoa, honako izen hau Olinpiar Jokoetako igerileku ofiziala izatearren datorkio, 25 metroko igerilekua eta hirugarrenez salto-igerilekua, nahiko txikiagoa dena. Kirol-esparruan, igerilekuen erabilera oso zabala da, eta hainbat kirol praktikatzen dira, horrezkero, beraietan. Igeriketa, waterpolo-a, igeriketa sinkronizatua (baita igeriketa bateratua edo aldiberetua) edo jauzia adibidez.
Igerilekuaren zaintza
Igerilekuetako uren zaintzan hainbat parametro izan behar dira kontuan:
| Igerileku bateko parametro normalak | ||
|---|---|---|
| Kloro askeko portzentajea | 1,5 - 2,0 mg/L (1,5 - 2,0 ppm) | Kloroa zuzenean gehitu daiteke, edo bestela, gatz-hidrolisiaren bidez. |
| Gazitasuna | 4 g/L (4 kg/m³) | Noizean behin, Gatz-ekarpena beharrezko bihur daiteke. |
| pH-a | 7,2 - 7,6 (xedea: 7,2 - 7,4 artekoa) | Azidoa gehituz murriztu daiteke, eta Bikarbonato sodikoa,NaHCO3 formuladuna, bezalako basea (pH +) gehituz ugaritu daiteke. |
| TAC, Erabateko alkalinotasuna | 8 - 15 ºf (80 - 150 ppm) | Alkalinotasun handiak, pH maila ezegonkorra eragiten du. |
| TH, gogortasuna | < 40 ºf (<400 ppm) | Uraren gogortasuna murrizteko (bigundu), sodio karbonatoa gehituz, Na2 CO3 formuladuna, deskarbonatatze prozesua eroaten da aurrera. |
Baio hauek lortzeko, produktu batzuk beharrezkoak dira:
- Kloro-egonkortzailea
- Itsasbelarren aurkako tratamendua
- Tratamendu flokulatzailea
- Karearen aurkakoa
- Horma-zinkinunearen aurkakoa
- Argitzailea
- Onddoen aurkako tratamendua
Erreferentziak
Ikus, gainera
Kanpo estekak
Datuak: Q1501
Multimedia: Swimming pools / Q1501
This article uses material from the Wikipedia Euskara article Igerileku, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.