Aostako Harana
Aostako Harana (Valle d'Aosta italieraz, Vallée d'Aoste frantsesez eta Vâl d'Aoûta frankoproventzeraz) Italiako eskualdea da, ipar-mendebaldean dagoena.
| Aostako Harana | |
|---|---|
 | |
| Administrazioa | |
| Estatua |  Italia |
| Hiriburua | Aosta |
| Probintziak | Ez |
| Udalerriak | 74 |
| Geografia | |
| Koordenatuak | 45°43′N 7°22′E / 45.72°N 7.37°E |
 | |
| Azalera | 3.262 km² |
| Demografia | |
| Biztanleria | 119.548 biztanle (2005) |
| Dentsitatea | 37 bizt/km² |
| www.regione.vda.it | |
Hiriburua Aosta bera da.
Mugakideak
Iparraldean, Valais Kantoia (Suitza), hegoaldean eta ekialdean, Piemonte, eta mendebaldean, Savoia Garaia eta Savoia (Frantzia) mugakide ditu.
Orografia
Dora Baltea ibaiak zeharkatua, 4.000 metrotik gorako gailurrek (Mont Blanc, Cervino, Monte Rosa…) inguratzen duten lurralde menditsua da. Komunikazio gune guztiz garrantzitsua, bertan egituratzen baitira Alpe arteko bide nagusiak (Mont Blanceko tunela, San Bernardo Handiko eta Txikiko mendateak). Courmayeur udalerria Mont Blancera igotzeko abiapuntu ohikoa da.
Ekonomia
Goi mendietako larre ugarietan behi azienda hazten da; behe lurretan, berriz, laboreak, fruitu arbolak eta mahastiak lantzen dira. Ekoizpen hidroelektrikoa garrantzitsua da (20.000 kW/o.). Burdingintza (Cogne), kimika industria (Châtillon, Saint-Marcel) eta ehungintza jorratzen dira: betiere, ekonomia jarduera nagusia industria da.
Historia
Aosta Harana Frantziaren esku egon zen 1800-1814 urteen artean. 1948tik, Italiako lurralde autonomoa da.
Banaketa administratiboa
Probintziak
Italiako beste eskualdeak ez bezala, Aostako Harana ez dago probintziatan banatuta.
Udalerriak
Aosta Haranean 74 udalerri daude. Handiena Aosta hiria da, 34.270 biztanlerekin. Hurrengoa Châtillon da, 4.846 biztanlerekin.
Hizkuntzak
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2014/09/08 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
- (Italieraz) Webgune ofiziala
Datuak: Q1222
Multimedia: Aosta Valley / Q1222
This article uses material from the Wikipedia Euskara article Aostako Harana, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.