Val di Aoste | |
Non ufiziâl par talian | Valle d'Aosta / Vallée d'Aoste |
Stât | Italie |
Cjâf lûc | Aoste |
Superficie | 3.263 km² |
Popolazion | 122.868 (2006) ab. |
Densitât | 37,7 ab/km² |
Provincis | Aoste |
Citâts metropolitanis | |
President | Antonio Fosson |
Sît istituzionâl | |
Cjale il Progjet regjons | |
La Val di Aoste (Valle d'Aosta par talian, Vallée d'Aoste in francês, Val d'Outa par francoprovençâl, Augschtalann o Ougstalland par walser, Val d'Osta par piemontês) e je une regjon autonome a statût speciâl de Italie dal Nord, la plui piçule regjon de Italie. E confine a Nord cu la Svuizare, a soreli jevât e a Sud cul Piemont e a soreli bonât cu la France. Il cjâf lûc al è Aoste.
Il teritori de regjon al è adimplen montagnôs: la mont plui alte e je la Mont Blanc, logade al confin cu la France, che cui sôs 4.810 metris e je la piche plui alte de Europe.
Dilunc dal cors de Dora Baltea a si cjatin scuasit ducj i centris abitâts de regjon.
Il disvilup de economie al è une vore blocât da la conformazion dal teritori: par chest lis produzions plui impuartantis a son chês agriculis (miluçs, piruçs, patatis, etc.); l'arlevament di bovins al permet la produzion di lat e putrops gjenars di formadi.
Il turisim al è une des fonts di ricjece plui fuarts: tiermits di turisim invernâl e estîf a son Courmayeur, Breuil-Cervinie, Gressoney e Cogne.
La rêt stradâl de regjon no je tant svilupade par vie dal teritori montagnôs, purpûr la autostrade A5 e coleghe la citât di Aoste con Ivrea, Torin e il rest de Italie; i colegaments cu la France e la Svuizare a son garantîts par mieç dal trafôr dal Mont Blanc e dal trafôr dal Gran Sant Bernart.
Lis feroviis a son a nivel periferic, e a permetin i colegaments dal cjâf lûc di regjon dome cu la rêt taliane (Ferovie Aoste-Chivasso). E esist ancje une linie che coleghe Aoste cun Pré-Saint-Didier, la valade che e torne sù par la valade de Dora Riparia.
La regjon de Val di Aoste e je une regjon autonome dal 1945 e a statût speciâl dal 1948. Inte regjon no esist une sudivision in provinciis: in chest mût lis competencis che in altris regjons a son des provinciis a vegnin funzionadis da la zonte regjonâl.
Regjons de Italie | |
---|---|
Abruç | Basilicade | Calabrie | Campanie | Emilie-Romagne | Lazi | Ligurie Lombardie | Marchis | Molise | Piemont | Pulie | Toscane | Umbrie | Venit | |
cun statût speciâl di autonomie: Friûl-Vignesie Julie | Sardegne | Sicilie | Trentin-Sud Tirôl | Val di Aoste |
This article uses material from the Wikipedia Furlan article Val di Aoste, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contignût al è disponibil sot de licence CC BY-SA 4.0 se nol è specificât in altre maniere Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Furlan (DUHOCTRUNGQUOC.VN) is an independent company and has no affiliation with Wiki Foundation.