Bevolkiengsdichtheid
Valle d'Aosta | |
---|---|
Liggienge van Valle d'Aosta in Itoalië | |
Hoofdstad | Aosta |
Ippervlak | 3260,9 km² |
Inweuners | 125.814 (2018) 38,58 inw./km² |
President | Antonio Fosson |
Provinsjes | gin |
Gemêentn | 74 |
Website | regione.vda.it |
Valle d'Aosta (voak verkort noar Val d'Aosta) ofte ip z'n Vlams d'Aosta-Valleye, es 'n ottonome regio in't nôordwestn van Itoalië mè en ippervlak van 3260,9 vierkante kilomèiters en apeupri 125.000 inweuners. 't Es domee de klêenste regio van Itoalië, ozowel in ippervlakte ols in inweunertal. De regio es ton ôok vrêe bergachtig en ligt temidd'n d'Alpn. D'n ôofdstad es Aosta.
Valle d'Aosta grenst in't ôostn en zuud'n an de regio Piëmonte. O de westkantn ligg'n de Fransche departement'n Savoie en Haute-Savoie en o de nôordkant ligt 't Zwitsersche kantong Wallis.
In de regio van d'Aosta-Valleye zyn der twêe officiële toaln: 't Italioans en 't Frans, mo teffrente mienschn koutn der ôok nog 't Valdostoans (ofte Valdôtain), wa en dialekt es van't Arpitoans ofte Franco-Provençoals. Apeupri d'n elft van de bevolkienge kunt olledrie de toaln klappn. Mêer o de schreevn van de regio kun je der oltemets ôok de dialektn van d'oumliggende streekn ôorn, zynde 't Walserduuts o de nôordôostnkantn dichte by Wallis en 't Piëmontees o de zuud- en zuudôostkantn dichte by Piëmonte.
De noame van de regio wierd in de lokoale toaln ezo uutgespookn:
Deurda Valle d'Aosta zo klêene en lêegbevolkt es, es ze nie vodder ounderverdêeld in provinsjes lyk ol d'and're Italioansche regioots en es de regio in zyn gehêelte ôok e provinsje.
Provinsje | Ofkortienge | Oofdstad | Belangryke plekk'n |
---|---|---|---|
Valle d'Aosta | AO | Aosta | Sarre, Châtillon |
Ofbeeldiengn die ier by passn ku je vien in de categorie Aosta Valley van Wiki Commons. |
Regio's van Itoalië | |
---|---|
Abruzzo • Apulië • Basilicata • Calabrië • Campanië • Emilia-Romagna • Friuli-Venezia Giulia • Lazio • Ligurië • Lombardeye • Marche • Molise • Piëmonte • Sardinië • Sicilië • Toscane • Trentino-Zuud-Tirol • Umbrië • Valle d'Aosta • Veneto |
This article uses material from the Wikipedia West-Vlams article Valle d'Aosta, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.